allattoq Tupaarnaq Rosing Olsen, titartaasoq Miki Jacobsen

 

Niviarsiaraq uitaariniarlugu oqarniariartoq nattoralissuup aarsaarfigigamiuk tiguaa tinngullugulu; nilliasunnguarlu aallaruppaa. Taamaatullu pisoqarnerani aamma arferup niaqorsua sissamiittoq, niviarsiaqqap aappaata uitaarerusutaa, neqinilerpoq, neqinilerpoq. Timinippoq uummarlunilu, taamalu arfinngorami niviarsarannguaq tiguaa avammullu qeqertap tungaannaanut imaatigut aallarullugu. Taamaalillutik niviarsiarannguit aallarussaapput, angajoqqaavilu aliasoqaat niviarsiaraatitik marluk annaagamikkit.

 

atuagaq

Qangarsuaaniilli nunatsinni oqaluttuatoqaaterput. Niviarsiarannguit marluk sissami anaanaasuusaarlutik illerusaarput. ’Uissaqannginnamik’aappaata nattoralik qulaattoq uitaarivaa, aappaatalu arferup niaqorsua qarsornikoq sissamiittoq uissamisut toqqarlugu. Pinnguarneralli piviusunngoriataarpoq, tassami niviarsiaqqat uitaaminnit aallarunneqarput. Annaanneqannginnerminniit sorpassuarnik sakkortuunik misigisaqarput.
Arfeq nattoralillu niviarsiarannguillu marluk kalaallit oqaluttuatoqaatitsinnit titartagalersukkatut meeqqanut oqaluttuareqqinneqartut ilagivaat.

 

saqqummersitat allat tassaapput

Kaassassuk
Sassuma Arnaanut pulaarneq
Anngannguujuk