atuagaq pissanganartuliaq Hans Jakob Helmsimit
atuagaq
Qaanaarmioq ingeniørinngoriaq Masaana Kivioq Nairobimi inuartarineqarpoq, qallunaallu nunanut allanut naalakkersuisoqarfianiit sulilerlaaq Oskar K. Sonne Nairobimut aallartinneqarpoq, toqusimasup timaa Kalaallit Nunaaliaatissallugu. Oskarip malugipallappaa Masaana nalinginnaasumik inuartarineqanngitsoq, kisiannili arlaannik nalunngisaqartoq. Umiarsuarmiugunarpoq toqunartunik usilimmik, tuluit isertortumik paasiniaasartuiniit allakkiaq isertuussaq, MI5, Amerikarmiullu missilinut illersueriaasiat. Oskar Nairobimiinnermini Mehane Williams arnaq kusanarluinnartoq piumasssuseqarluartorlu asannilersoorfigivaa. Kisianni ilumut taamak peqqusersuiitsigiva? Sooruna Nunanut allanut naalakkersuisoqarfimmi naalakkap nappaammik kræftimik eqqugaanikup Oskar toqutaasimasup aqqutaanik atuaatikkaa Kalaallit Nunaanniit Englandikkoorlugu USA-mut naggataatigullu Thule Air Basep radareqarfissuanukartikkaa? Ilumoortumimmiuna taamani 1960-ikkut aallartilaarneranni susoqarnikuusoq amerikarmiut sakkutuuisa Projekt Iceworm ingerlatillarmassuk ? Taanna tassaavoq Kalaallit Nunaata sermersuaatigut sullorsualiornersuaq atommissilinut atugassiamik. Oskarip nalusaanik, Oskari pisimasunut pisussallu aliortugaataannut aallartinneqarpoq – toqulu tullaataralugu.
atuakkiortoq
Hans Jakob Helms Tunumi Ammassalimmi inunngorpoq 1949-mi. Kalaallit Nunaanni Danmarkimilu peroriartorsimavoq. Aarhus universitetimi Danskit oqaasiinut atuakkioriaasianullu cand.mag.-itut ilinniarsimasuuvoq, saniatigullu etnografii aamma ilinniarsimallugu. Ukiut 30-it sinnerlugi Kalaallit nunaannut Kalallit Nunaannilu sullissinerminut, kalaallit akornanni pissutsinik aammalu Issittumut suleqataanermigut itisuumik ilisimasaqarpoq.
Siornatigut Namminersornerullutik Oqartussani sulinikuuvoq pisortaasimallunilu nunanut allanut tunngassuteqartunut sulialinnut, saniatigullu USA’p Kalaallit Nunaanni sakkutooqarfeqarnerat pilligu ataatsimiititaliami ilaasortaasarsimalluni. Maannakkut Folketingimi politikerinut siunnersuisuuvoq, nalunngisaqarluarlunilu qallunaat, kalaallit amerikkarmiullu silarsuaannut, tamakkulu De Dødes Fjordimi allaaserineqarput.
atuakkat allat atuakkiortumit
Giftpølen, Modtryk, 1977
Dansen i Genève, Forlaget Ries, 2005
Arsarnernut uinngiarsukkuit