Nina von Staffeldtip pinerluttulersaarusiaa

 

atuagaq

Sisimiuni aasakkut feriarfinnguleruttornerani eqqumiitsumik virusertoqarpoq. Toqusoqarnera tusagassiortunut nutaarsiassarsiortunut nutaarsiassatsialaavissorpoq. Oqartussallu annilaangalerput. Taamatuttaarlu suliffeqarfiit assigiinngitsut umiarsuarmik angalasut tulattarfissaanik sanasut aamma annilaangalerput, suliarmi immaqa naammassinngitsuulerpaat. Sika Haslund takornariaqartitsisartuni Go Greenlandimi attaveqatigiilerisutut atorfineqqammerpoq Danmarkimiit Nuummut uternerminut atatillugu. Tassanilu siornatigut misigisartakkani sakkortuut sorsuutigai, inuiaqatigiinnullu ilaalerniarsaraluni, inuiaqatigiillu
ilisarnaraluarlutik aamma takornartaapput. Tusagassiortoq Thormod Giaslasson peqatigalugu pisimasoq pillugu paasiniaapput, paasiniaanerallu pisimasumut annertuunut utingaatsiarput. Sikap alapernaatsuunera
sapiinneralu peqqutaallutik, taannaratarsinnaavoq pisimasunik toqqortanik ujartuisinnaasoq paasisaqarlunilu.
atuagaq qallunaatuinnaq saqqummersinneqarpoq.

atuakkiortoq

Nina von Staffeldt pædagogikimit cand.mag.-iuvoq, maannalu EU-mut qallunaallu oqartussaqarfiinut assigiinngitsunut namminersortutut sullissisarluni. 1997-iminngaanniillu Kalaallit Nunaanni sulillunilu angalasarsimavoq, ilaannikkut angallatsisutut ilaannilu Namminersorlutik Oqartussanut
sullissisarnerminut. Frosne beviser atuakkiaqqaatigivaa.

atuakkat allat atuakkiortumit

Den Sorte Engel