Niviaq Korneliussenip oqaluttualiaa

 

Sooruna sallusinnaanngitsunga? Sooruna oqaasissakka aqussinnaanngikkikka? Sooruna nipangersimaannarsinnaanngitsunga? Nalusannik ikiaroortitaasimannginnerpunga? Qanoq aamma. Immaqa ikiaroorneq taama misiginarpoq.
“Illit imerniannginnavit?” oqaluukkusussimagaminga aperivaanga, imaluunniit ajulaartuusoralunga inussiarnisaarfigigaanga.
“Kajumigisorsuunnginnakku ullumikkut,” akivara.
“Uanga aamma.”
“Uangalu,” akivara.
Qaa, oqaqqammerpunga. Sianiik. Ajunngilaq. Fia, sapinngilatit. Breathe in…  

 

atuagaq

Takisuuliap inuttaasa tallimat akornanni marluk arnaqatiminoortuupput, anguteqatiminoortoq, tamanoortoq taavalu arnaq angutitut misigisimasoq ataasiulluni. Tamakkiisumik isigalugu takisuuliaq asanninnermut, ikinngutigiinnermut ilaqutariinnermullu tunngavoq – tamannalu inuit sungiusimanngisamik ileqqoqartut aqqutigalugit oqaluttuarineqarpoq…
Homo sapiens arnarpaluttunngorlu atuakkiaq qulequtsigaavoq, suiaaqqatiminnillu atoqateqartartunik pingaartitsinera ersersinniarlugu homo naqissuserneqarluni.

 

atuakkiortoq

Niviaq Korneliussen 1990-imi inunngorpoq Nanortalimmilu peroriartorluni. Ukiuni arlalinni Samfundsvidenskab Ilisimatusarfimmi ilinniariarlugu, massakkut Aarhus Universitetimi psykologi ilinniarpaa.
Niviaq Korneliussenip oqaluttuaaraliaa San Francisco, Inuusuttut nunatsinni – nunarsuarmilu-mi saqqummersuni nuannernerpaat allalluagaannerpaallu ilaanniippoq.
Takisuuliaa siulleq HOMO sapienne, kalaallisut allataq qallunaatullu atuakkiortumit nammineq nutsigaavoq.
Atuagaq Statens Kunstfondimiit akissarsitinneqarpoq 2014-imi.  Aammalu 2015-imi Politikenip atuakkialerinermut akissarsititsisarneranut aammalu Nunani avannarlerni isumalioqatigiinniit atuakkialerinermut akissarsititsisarneranut innersuunneqarluni.

 

naliliineq

Killormut Korneliussenip kalaallit atuakkiornerannut inuuneqartitseqqilernera sorujussuanngortinneqarnissaanut pissutissaqarluarpoq. Niviaq Korneliussen; atuakkamut nuannersumut pilluarujussuarit. Aamma Kalaallit Nunaat; pilluarujussuarit.
Kirsten Thisted, AG

 

Homo sapienne oqaluttuartariaatsimik nammineq pilersitsinikuuvoq.
Taama allappoq qallunaat aviisiat, Politiken  Politiken synes

 

Niviaq Korneliussen sapiillunilu piginnaaneqarpoq…
Taama allappoq qallunaat aviisiat, Weekendavisen

 

Kalaallit Nunaanni atuakkialerinerup silarsuaani nipi nutaaq. Nipi maqaasineqarnikoq.
Taama allappoq qallunaat aviisiat, Kristeligt Dagblad