Takanna – nunatta pissarititaanik igaat
Nerisassiornermut ilitsersuutinit atuakkiaq Tupaarnaq Rosing Olsenimit, Nina Spore Kreuzmannimit ilusilersorneqartoq

Maani nunatsinni nerisassat pitsaanerpaat illinnarnerpaallu pigaagut, apeqqutaaginnarporlu atornissaasa ilinniarnissaat. Nerisassani suut atorfissaqartissinnaasagut tamaasa pisiarisinnaanngoratsigit ulluinnarni puigoqqajaasinnaasarpagut ilarpassui nammineqmaani pigigatsigit, uumasut aalisakkat naasullu eqqarsaatigalugit. Nammineq nunatsinni pigut, avataaniit naatitanik akoorlugit illinnarnerpaamik nerisassiarisinnaavagut. 

– Tupaarnaq Rosing Olsen (Siulequt)

 atuagaq

Nerisassiornermut ilitsersuutinit atuakkiaq kikkunnut tamanut atuagassiaavoq kalaallit pissarititaanit nerisassiorusuttunut. Tupaarnaq Rosing Olsen nerisassiornermut malittarisassanik 100-ngajannik katersisimavoq savanik, tuttunik, aalisakkanik, pupinnik, paarnanik assigaannillu akulinnik, taakkulu nerisassioriaasitoqaq malillugu, ilaannilu nutaalioriaaseq malillugu kalaallit igaffiini atorneqarsinnaallutik. Nerisassiornermi malittarisassat akussaq pingaarnerpaaq peqqutaalluni immikkoortortaqarput, immokkoortorlu ilisarititsinermik innersuutitsialannillu aallartinneqartarluni. Atuagaq kusanarluinnartunik assitalersorneqarsimavoq Nina Spore Kreutzmannimit aqerluusat qalipaatillit atornerisigut – titartakkat nerisassat naammassineraniinngitsoq, kisiannili nioqqutissat nerisassiarinnginnerini. Takanna siullermeerluni saqqummersinneqarpoq Atuakkiorfik aqqutigalugu 2001-imi.

atuakkiortoq

Tupaarnaq Rosing Olsen ilinniartitsisutut ilinniarsimasuuvoq, saniatugullu ilisimatusarfimmi piorsarsimassuseq, oqaluttuarisaaneq, oqaatsit atuakkialerinerlu kalaallinut tunngasut ilinniarsimallugit. Ukiuni kingullerni 20-ni tusagassiutini assigiiinngitsuni sulisarsimavoq, soorlu KNR-mi aallakaatitassiortutut, Atuakkiorfimmi atuakkanik aaqqissuisutut, Tusagassiivimmi aaqqissuisutut aammattaaq AirGreenlandip paasissutissiisarfiani. Naammakkut namminersortuuvoq, atuakkanillu ikinngitsunik saqqummersitsinikuulluni. Paasisaqarnerorusukkuit www.tupaarnaq.gl alakkaruk.