Tuttu qaqqamiit qanermut / Rensdyr fra fjeld til fad

Nerisassiornermut ilitsersuutinit atuakkiaq Mikael Rosingimit. Aaqqissuisoralugu kalaallisuunngortitsisoralugulu: Tupaarnaq Rosing Olsen

“Tuttuminiuteqarpit?”
Amerlanerit apeqqummik taamaattumik nalaataqartarput immaqalumi nammineq taamatut aperisarlutik. Inuppassuarnut tuttup neqaa nalliuttorsiutitut nerisassaavoq. Mamartumik neqitussagaanni tuttup neqaa toqqarneqarajuttarpoq. Amerlanerillu tuttup neqaatiminnik tunniusserusuttarput.  Taamaanngippammi tuttuppallaarsimannginneq nassuerutigisariaqarpoq, kinalu taamaakkusuppa?

 

atuagaq

Kalaallit Nunaanni perorsaanermi ilaavoq meeqqat 11-12-it missaannik ukiullit piniariarnermik ilinniartinneqartarnerat.Taavami aavarnermut, aattuinermut nerisassiornermullu ilitsersuutinit atuakkiaq sumut atorneqassava? Aap, tassami ullutsinni kikkut tamarmik pinngortitamik toqqammavilimmik inuujunnaarput, aammalu ilaquttanit ilinniartinneqartarneq tamanit atugaajunnaarpoq. Aamma avataaneersorpassuit nunatta pissarititaanik atuerusuttarput ilitsersorneqarnissaminnillu pisariaqartitsisarlutik. Qanorluunniillumi aavallammaatigigaluaraanni imaluunniit iggaritsigigaluaraanni nutaanik paasisaqarnissaq isumassarsiornissarlu pisariaqartarput. Taamaattunik atuakkiaq Tuttu qaqqamiit qanermut /Rensdyr fra fjeld til fad kikkorpassuarnit atorneqarsinnaavoq.

 

 

atuakkiortoq

Atuakkiortua Michael Rosing ilaatigut Danmarkimi meeraallunilu inuusuttuusimavoq, USA-milu ilinniagaqareerluni nunatsinnut uterami aatsaat aavarnermik ilinnialerpoq. USA-mi universitetimi biologimi, matematikkimi statistikkimilu ilinniagaqartuuvoq. Ukiorpaalunni Nuummi Pinngortitaleriffimmi sulisimavoq maannalu namminersortutut umiatsiaminik angallassisartuulluni. Aammattaaq aavartartutoqanngorsimavoq, atuakkiaminilu Tuttu qaqqamiit qanermut /Rensdyr fra fjeld til fad-mi aavartarnermit misilittakkani ingerlateqqippai, aattuinermut ilitsersuilluni tuttullu sukutsii tamaasa isumassarsiorfissatut igaassatut najoqqutassiuullugit. Atuagaq pingasunik immikkoortoqarpoq: Aavarneq, aattuineq iganissamullu ilitsersuutit. Assilisat amerlanerit Angu Motzfeldtimit assilisaapput, tassa aattuinermut igaassatullu ilitsersuutit tamarmik Angumit assilineqarsimallutik. Aammattaaq atuakkiap pinngortinneqarnerani Tupaarnaq Rosing Olsen peqataalluarpoq, taannalu igaassanut najoqqutassiinermik misilittagaqartuuvoq. Siunnersuisuullunilu aaqqissuisuusimavoq kalaallisuunngortitsisuullunilu. Nina Spore Kreutzmann Tegnestuen Tita-meersoq kusanaqisunik ilusilersuisuuvoq.