Henrik Saxgrenimit assinik atuakkiaq
Nunaqarfik Ilimanaq pisoqarfiujuaannarnikuuvoq, pisoqarfiujuaannarmallu inuit nunaqarfinnit mikinerusuneersut Ilimanamut nuuttarsimapput, namminnerlu nunaqarfigisimasartik inuerutsittarlugu. Massakkut Ilimanaq nunaqarfittut ataannarnissaa aarlerinarpoq.
Antoine de Saint-Exupéryp atuakkiaa meeqqanut inersimasunullu tulluartuuvoq. Mira Kleistimit kalaallisuunngorlugu nutsigaavoq.
Timmisartortartoq ajornartorsiorluni inoqajuitsumut mippoq, taamaalilluni ataqqinartuaraq nammineq silarsuaaqqaminiittoq naapippaa, asteroide B612. Nalunngisani, iluatiginerpaasani, ruusaatini, annaanniartillugu ulloriarpassuit akornanni angalanermini nunuarsuatsinnut pivoq.
Nina von Staffeldtip pinerluttulersaarusiaa
Uummannap avataani angut toqutaasimasoq aalisariummi ingerlaartumi nanineqarpoq. Politiillu angallatip usilersortarfiani nanivaat, nannup amerpassui qaavatigullu qilalukkat aarrillu tuugaarpassui.
Maja-Lisa Kehletip atuakkiaa meeqqanut tulluartoq tikkuartuiutigaluni qupperagassialiaq
..qupperagassiami meeqqat namminneq imaluunniit angajoqqaatik peqatigalugit ilinniassavaat immikkuullarissumik naqinnerit atunngikkaluarlugit kisitsisinik qulip tungaanut kisitsineq soorlu: Tuttut sisamat ujakkit il. il.
Maja-Lisa Kehletip atuakkiaa meeqqanut tulluartoq tikkuartuiutigaluni qupperagassialiaq
Atuagaaraq allagartalersugaanngilaq, meeqqalli inersimasullu tikkuartuiutigalutik qupperarsinnaavaat, nammineq takorluuisinnaassusertik atorlugu oqaluttuaaraliorlutik assiliartaliunneqarsimasut aallaavigalugit, kammagiinneq sammisinnaavaat.
Inge-Lise Lyngemit atuagaq assassornermut atorneqarsinnaasoq
Puisip amia kusanartorujussuuvoq nungullajasuunanilu – aammalu Kalaallit Nunaata avammut tunisassiarisartagaanni pingaarnerpaat ilaanniilluni
Nina Kreutzmann Jørgensenip oqaluttuaaqqanik imalinnik atuakkiaa
Helga, Maalia, Lulu, Anna, Gudska arnallu allat Kalaallit Nunaanni, Islandimi, Savalimmiuni Danmarkimilu najugaqarput. Oqaluttualiaaqqani sammineqartut tassaapput ullutsinni arnat inuunerminni ajornartorsiutaat.
Anne-Birthe Hove-p eqqumiitsuliarisartagai pillugit atuakkiaq Jørgen Chemnitzimit aaqqissuussaq
Anne-Birthe Hove (1951-2012) Kalaallit Nunaanni eqqumiitsuliortullammaasimavoq immikkut illuinnartoq. Anne-Birthe Hove København-ip Kunstakademiani, Eqqumiitsuliornermik ilinniarfimmi, Kunstpædagogisk skole-mi ilinniarsimasuuvoq ukiorpassuarnilu eqqumiitsuliortut peqatigiiffianni ilaasortaasarsimalluni.
Eqqumiitsuliortut kattuffiat KIMIK aallaavigalugu assinik atuakkiaq Tupaarnaq Rosing Olsen-mik Aaqqissugaq
Eqqumiitsuliortut kattuffiat KIMIK 2015-mi upernaakkut ukiut 20-inngortorsiorluni nalliuttorsiorpoq. Atuakkap nalliuttorsiornermi saqqummersitap aallaavigaa KIMI-p oqaluttuassartaa, ineriartornera maannakkullu ilaasortaasut saqqummersittagaallu sammineqarlutik.
apersuineq aallaavigalugu atuakkiaq meeqqanik sumiginnaanermut tunngasoq Lise Andersenimit
Meeqqat angerlarsimaffiat Uummannaq Kalaallit Nunaanni meeqqanik sumiginnagaasimasunik inissiiviusinnaasut ilagaat. Meeqqat angerlarsimaffiata tapersersuineratigut tassani najugaqarnikuusimasut attavigaakka meeraanerat peroriartornerallu pillugit apersorumallugit.
atuagaq isumassarsiassarpassuarnik ilitsersuutitalinnik imalik Ide Jenny Tullinimiit Lis Anker Petersenimiillu
atuakkami isumassarsiat ilitsersuutitaqarput, taakkualu kikkunniilluunniit misilittarneqarsinnaapput – aallarterlaanut misilittagalinnulluunniit.
meeqqanut erinarsuutinik appisimaarusiaq Naja Rosing-Asvidimit
Atuagaq una nutaaliaq Nipilersorta!-mik taaguuteqarpoq, Naja Rosing-Asvidillu atuakkiaralugu, atuagaannaanngilarli. Tassami meeqqat namminneerlutik meeqqanut erinarsuutinik appisimaarsinnaanngorput, pinnguarlu una nutaaq meeqqanut tulluarsagaalluni.
oqaluttuatoqqat Gunvor Bjerremit oqaluttuareqqinneqartut Miki Jacobsenimit assiliartalersorneqartut
Qanga kalaallit oqaluttuaatitoqaanni uumasut inuttut oqaluttarlutillu eqqarsartartut ilaannilu inorroortut aammalu angutit nunarsuaq kaajallallugu qajartortut toqusimasut nunaanniit uummaqqinniarlutik ilaannilu arnat inorujussuit naapinneqarsinnaapput.
Nina von Staffeldtip pinerluttulersaarusiaa
Sisimiuni aasakkut feriarfinnguleruttornerani eqqumiitsumik virusertoqarpoq. Toqusoqarnera tusagassiortunut nutaarsiassarsiortunut nutaarsiassatsialaavissorpoq. Oqartussallu annilaangalerput. Taamatuttaarlu suliffeqarfiit assigiinngitsut umiarsuarmik angalasut tulattarfissaanik sanasut aamma annilaangalerput, suliarmi immaqa naammassinngitsuulerpaat.
Maren Clasen Poulsenip annoraaliornermik ilitsersuusiaa
Maanna nammineerlutit ilaquttannut ilinnulluunniit annoraaliuussinnaalerputit. Mersorluarina!
Sørine Steenholdtip oqaluttuaaqqanik imalinnik atuakkiaa
Atuagaq Zombiet Nunaat qiimmassaataasinnaanngilaq. Pinngitsaalitinneq, imminorneq, ikiaroornartumik atornerluineq, ikuallattoorneq biilinillu aallarussineq… inuit ikitsuinnaat nalaattagaat.
Pivinnguaq Mørchip oqaluttuaaraliai taalliaalu
Atuagaq oqaluttuaaralianik qulingiluanik imaqarpoq taallanillu 14-inik imaqarluni. Taakkua kinaassutsimut tunngasuupput inuunermilu aporfiusinnaasut assigiinngitsut aqqusaarneqarsinnaasut.
kalaallit nunaata kujataa pillugu Ole G. Jensenip assiliartalersukkanik atuakkiaa
Nuna qorsooqqissoq qalipaatigissaartunik naasorpassualik, portusooq, qaqqat qorsooqqissut, sikut qalipaatitigut assigiinngitsuuneri aammalu qalipaatigissaartut illoqarfiit nunaqarfiillu atuagaq qilanaarnartutut nuannersumik Kujataata nuannersuinik eqqaassutissiivoq.