Inuuik saliiffik

meeqqanut atuagaq Stina Sørensenimit, Inuk Silis Høeghimit assitalersorneqartoq

atuagaq

Iluunap qatsuppaa puiaasanik allanillu igitassanik inuit maangaannaq eqqaasarnerat. Inuuissiungajalerpoq, inuuimminullu kissaatigaa inuuissioruni qaaqqusat blokkimi najugaqarfimmi eqqaanni saleeqataassasut, taarsiullugu tunissutissanik nassarlutik kaffisoriarnermut.

Iluunap angajoqqaavi isumaqataapput, ilaqutariinnguillu allatut inuuissiortitsinissaq piareersalerpaat, inuit illoqarfimmiut amerlasuut peqataaffigisassaat nunamilu kikkunnit tamanit tusarneqartussaalluni.

Stina Sørensenip oqaluttuaa uummaarissunik titartagartalersorneqarpoq Inuk Silis Høeghimit. Oqaluttuallu nuannersup taassuma siunertaa soorunami tassaavoq meeqqat inersimasullu kajumissaassallugit nunarput eqqiluitsuutissallugu – sumullu tamaanga eqqaasoqassanngitsoq, eqqakkanillu katersinissaq akisussaaffigissallugu, aamma allat igitarisimagaluarpatigilluunniit.

atuakkiortoq assitalersuisorlu

Stina Sørensen ilinniartitsisutut ilinniarsimasuuvoq siusinnerusukkullu saqqummersissimallugu meeqqanut atuakkiaq Sara Davidsen ataataqanngitsoq.
Inuk Silis Høeghip naammasseqqammerpaa Master of Fine Arts Det Kgl. Danske Kunstakademiimit. Atuakkap titartagartai tassaapput Inuup soraarummeernermini suliai, aasarlu naallugu Københavnimi Kunsthal Charlottenborgimi saqqummersinneqassallutik.

naliliinerit

Stina Sørensenip inuttaliaa Iluuna, taalliorumatullunilu erinarsorumavoq. Eqqumiitsuliortullu Inuk Silis Høeghip qiimasunik allanarluinnartunillu ilusilersorlualaavissorpaa. – Stina Sørensens digtende og syngende Iluuna er en stærk lille skikkelse, og billedkunstneren Inuk Silis Høegh tilfører knald og kant med glade, utraditionelle illustrationer.
Berlingske Tidende, ★★★★

 

ISUMASSARSIATSIALAK-mi aviisini allassimavoq. Stina Sørensen isumassarsillualaavissorsimavoq. Inuk Silis Høeghillu modellervoksinik tuschinik qalipaatinillu imilertakkanik allanartunik assitalersorsualaavissimallugu. –  ISUMASSARSIATSIALAK står der i avisen. Sådan siger man ’en god idé’ på grønlandsk. (…) Stina Sørensen har fundet på den gode idé. Inuk Silis Høegh gennemillustrerer med noget så usædvanligt som modellervoks på tusch og akvarel bl.a.
Politiken, ♥ ♥ ♥ ♥