Aliortukkersaarutit Nunat avannarlermiut qiiaamminartuutaat
kalaallisuunngortitsisoq Peter Fr. Rosing
”Immaqa isumaqarputit iliveqarfiit illutoqqallu najornerusarivut kalunnerpalutsitsisarlutalu? Aammami tamakkunaniittarpugut. Kisianni aamma illuni nutaaliarluinnarniittarpugut. Immaqa isumaqarputit TV-p oqarasuaatillu angallattakkat nigorsimatittaraatigut? Taammaaqqajanngilaq. Oqarasuaat angallattagaq qanoq atortaraat nalunngilarput. Ersiummisaalinngilatit?”
atuagaq
Meeqqanut 10-11-nik ukiulinniit qummut (ukioqqortunerpaaffilernagit!) atuakkiaq qiiaammisaarnavissoq. Kalaallit Nunaanni, Islandimi, Savalimmiuni, Norgemi, Danmarkimi, Samit Nunaanni, Sverigemi Finlandimilu atuakkiortut 15-it nutaarluinnarnik oqaluttualiorsimapput atuakkami tassani ilanngutassanik, tamannalu nunani avannarlerni naqiterisitsisarfiit arfineq pingasut assut pissanganartumik suleqatigiinnerata inerneraa. Oqaluttuaq Kalaallit Nunaanneersoq, Qivittoq, Juaanna Platoup, arlalinnik meeqqanut atuakkiortareersup, allagaraa. Lene Kaaberbøl, Danmarkimi takorluukkersaartartut dronninngiat, qallunaatut oqaluttuat ilaannik allattuuvoq. Oqaluttuat qiiaammisaarnartut tamakku Peter Fr. Rosingimit kalaallisuunngortitaapput.
Qallunaatuua Det spøger – femten nordiske gys naqiterisitsisarfiup Phabelip naqitertippaa.