Aima Qaqqap Arnaalu

Meeqqanut assinik atuakkiaq Bolatta Silis-Høghimit

Atuagaq nanginneruvoq atuakkanut siullernut marluusunut, niviarsiaqqamut inuummarilluinnartumut – takorluuillaqqissumut. Maanna Aima kammassuanilu Mathilda isumaqatigiissimapput atuarfimmiit angerlamut ingerlaqatigiinniarlutik.

Tupilak

Kalaallit tupilaataat pillugit atuakkiaq meeqqanut qalipagassartaqarlunilu oqaluttuassartaqartoq.

Tupilak siuaasat tarninginik anersaavinilluunniit isumaqarpoq, siornatigullu taaguut taanna anersaanut tupinnartunut amiilaarnartunullu atorneqartarsimavoq Angakkup isertorluinnarluni uumasut saarngi atortuilu katiterlugit sananeratigut tupilaap tarninga akeqqamut akiniaanissaq siunertaralugu aggersarneqarsinnaasarsimavoq. Europamiut alapernaatsut tikissimalermata kalaallit eqqumiitsuliortui tupilaap ilusaa takutinniarlugu ilusilersuisalerput, taakkualu saarngit ujaqqallu atorlugit ilusilersukkat ullumikkut nalunngilagut.

Orpilissat nunarsuarmi kusanarnersaat

Juaaka Lyberthimit juullissamut ammartagaq ilaqutariinnut tamarmiusunut

Aa ajussusia! Orpiliassamik ataasinnguamilluunniit Uummannamut tikiussisoqanngilaq. Meeqqat inersimasullu tamanna aliasuutigaat. Immaqali Kunuup nissiaqqallu Eqeqquaqqap juulli annaassinnaagaat… Kisianni, nissiaqqat torulliaqqat ajortut sissuertariaqarpaat, juullimik nissiaqqanillu nuannarisaqanngivissut.

Aqipi – anersaat silarsuaannukartoq

meeqqanut atuagaq Naja Rosing-Asvidimit

Asimioqarfimmi pissakilliortoqarpoq kaattoqarlunilu. Sikulluarsimavoq piniagassaqarnanilu, aappariillu marluk meerartaarsinnaanngillat. Aqipi angakkorlu anersaat silarsuaannut aallartariaqalerput.

Ataqqinartuaraq

Antoine de Saint-Exupéryp atuakkiaa meeqqanut inersimasunullu tulluartuuvoq. Mira Kleistimit kalaallisuunngorlugu nutsigaavoq.

Timmisartortartoq ajornartorsiorluni inoqajuitsumut mippoq, taamaalilluni ataqqinartuaraq nammineq silarsuaaqqaminiittoq naapippaa, asteroide B612. Nalunngisani, iluatiginerpaasani, ruusaatini, annaanniartillugu ulloriarpassuit akornanni angalanermini nunuarsuatsinnut pivoq.

1-2-3

Maja-Lisa Kehletip atuakkiaa meeqqanut tulluartoq tikkuartuiutigaluni qupperagassialiaq

..qupperagassiami meeqqat namminneq imaluunniit angajoqqaatik peqatigalugit ilinniassavaat immikkuullarissumik naqinnerit atunngikkaluarlugit kisitsisinik qulip tungaanut kisitsineq soorlu: Tuttut sisamat ujakkit il. il.

Kammagiitta! Vil du være min ven?

Maja-Lisa Kehletip atuakkiaa meeqqanut tulluartoq tikkuartuiutigaluni qupperagassialiaq

Atuagaaraq allagartalersugaanngilaq, meeqqalli inersimasullu tikkuartuiutigalutik qupperarsinnaavaat, nammineq takorluuisinnaassusertik atorlugu oqaluttuaaraliorlutik assiliartaliunneqarsimasut aallaavigalugit, kammagiinneq sammisinnaavaat.

Nipilersorta!

meeqqanut erinarsuutinik appisimaarusiaq Naja Rosing-Asvidimit

Atuagaq una nutaaliaq Nipilersorta!-mik taaguuteqarpoq, Naja Rosing-Asvidillu atuakkiaralugu, atuagaannaanngilarli. Tassami meeqqat namminneerlutik meeqqanut erinarsuutinik appisimaarsinnaanngorput, pinnguarlu una nutaaq meeqqanut tulluarsagaalluni.

Qaammatip Inua

oqaluttuatoqqat Gunvor Bjerremit oqaluttuareqqinneqartut Miki Jacobsenimit assiliartalersorneqartut

Qanga kalaallit oqaluttuaatitoqaanni uumasut inuttut oqaluttarlutillu eqqarsartartut ilaannilu inorroortut aammalu angutit nunarsuaq kaajallallugu qajartortut toqusimasut nunaanniit uummaqqinniarlutik ilaannilu arnat inorujussuit naapinneqarsinnaapput.

Kaassassuk

allattoq Tupaarnaq Rosing Olsen, titartaasoq Miki Jacobsen

Qangarsuaaniilli nunatsinni oqaluttuatoqaaterput. Kaassassuk iliarsuusoq meeraanini tamaat nunaqqatiminit ajortumik pineqarpoq. Ullulli ilaanni Pissaap Inuanik naapitsinissaminut periarfissinneqarpoq ikiorneqarlunilu. Pissarsuanngorpoq nunaqqatinilu akiniaaffigalugit.

Sassuma Arnaanut pulaarneq

allattoq Mâliâraq Vebæk, titartaasoq Aka Høegh

Qangarsuaaniilli nunatsinni oqaluttuatoqaaterput. Piniagassat ajornarsipput inuillu kaalerput. Aappariit utoqqaat angakkuusimasut sooq piniagassat tammakarnerannik paasiniaaqqullugit Sassuma Arnaanut pulaarnissamik qinnuigineqarput. Angalanerli navialinertaqarpoq…

Arfeq nattoralillu niviarsiarannguillu marluk

allattoq Tupaarnaq Rosing Olsen, titartaasoq Miki Jacobsen

Qangarsuaaniilli nunatsinni oqaluttuatoqaaterput. Niviarsiarannguit marluk sissami anaanaasuusaarlutik illerusaarput. ’Uissaqannginnamik’ aappaata nattoralik qulaattoq uitaarivaa, aappaatalu arferup niaqorsua qarsornikoq sissamiittoq uissamisut toqqarlugu.

Anngannguujuk

allattoq H. C. Petersen, titartaasoq Kistat Lund

Qangarsuaaniilli nunatsinni oqaluttuatoqaaterput. Anngannguujuk paami qajaasaartunnguulluni pinnguartarpoq. Ullulli ilaanni pinnguartilluni tammarpoq. Inuit nunap timaamiorsuit tigusimavaat. Ataataata angakkullu annaakkiartorpaat.

Uangaana / Min bog

“meeqqap atuagaa”-nik taallugu atuagaq
Una atuagaq angajoqqaanngorlaanoortuuvoq. Eqqaamasammi meeqqanut tunngasut toqqussallugit iluartaqaaq – inunngorneriniit atualernissai tikillugit.

Ataata isertitsivimmiippoq

oqaloqatigiilersitsisinnaasutut atuakkiaq
Sofusip nukkani aleqani anaananilu kisiisa najugaqatigivai. Anaanaa kommunemi sulisuuvoq, tamatigungajallu qasoqqasarluni, suliuartariaqartarami Sofusip ataataata aallarnerata kingorna. Sofusip ataatani maqaasivaa Nalunamut guldinik assaajartorluni aallarnikuummat. Sofusilli paasisinnaanngilaa sooq guldinik nassitsinneq ajorlutik ataataminiit.

Aqipi – aasivimmiittoq

meeqqanut atuagaq Naja Rosing-Asvidimit
Aqipip naalagaa, angakkoq, asimioqarfimmi sanilerisaminni nannunniartartorsuarmut iverluni ajorsaratarsinnaavoq, taamaattumillu ikiortinnguani toornaarannguaq aggersartariaqarlugu.

Aima qaa schhh!

assinik atuakkiaq Bolatta Silis-Høeghimit
Aima qaa schHh!-mi Aima suli qiimasorujussuuvoq takorluuillaqqissuullunilu. Aima sininnaveerpoq. Sinililiivissorlu Mannarsi Pandetage Isbo Sodavagn Chokolarsen aggertarpoq aliikkusersortarlugulu Aima, aqaguani qasoqqatittarlugu. Anaanaa ataataalu uumisulerput Aimalu naveerlugu, uffa Manna pisuusoq.

Qalipatassat / Malebog

Qalipatassat iliuusitallit Paarma Olsvig Brandtimit aammalu Sebastian Reidingimit assiliartalersorneqartut

Qalipatassat iliuusitallit tassapput meeqqat qalipassinnaasaat, piumasaminnik saniatigut ilaartorlugilluunniit titartaafigisinnaasaat.