meeqqanut atuagaq Naja Lundimit

Misigaanga uummatima kasuttarnera nipitoorujussuanngortoq. Soorluluunniit Madsip tusaasinnaassagaa. Assakka sajulaalerput. Sivisuumik oqaaseqarnata uninngavugut. Ujarlertoq sikaavik sanioqqullugu pisuppaluttoq tusaavarput. Nipikitsumik illakululaarpugut. Taamaallunga malugilerpara assaga attoraa. Isumaqarlunga piaarinaatsoornerinnarmik attoraa. Taava ujarlerpasingajattutut assaga talerperleq tiguvaa. Qerattaammerpunga, sunissara nalullugu. Nuannaajallallunga tarrup ataani qungujuummerpunga. Taamatut tassa nikorfalerpugut, oqaaseqarnata.

atuagaq

Mari Madsimut asannilersooqqavoq. Misigissusaali akineqarnerpat? Soormiuna Kunuk nallinnartoq? Asanninnermik, aliasunnermik ikinngutigiinnermillu oqaluttuaq.