meeqqanut erinarsuutinik appisimaarusiaq Naja Rosing-Asvidimit

 

atuagaq

Maanna meeqqat nukanganerit namminneerlutik kalaallisut meeqqanut erinarsuutinik appisimaarsinnaanngorput! Naja Rosing-Asvidip meeqqat erinarsuutaat qulit ilisimaneqarnerpaat toqqarsimavai, taakkununngalu titartagartalersuilluni kusanarluinnartunik qalipaatigissunillu, Arnannguaq Gerstrømillu taallanut nuutitalersuisuuvoq.

Atuagaq una nutaaliaq Nipilersorta!-mik taaguuteqarpoq, Naja Rosing-Asvidillu atuakkiaralugu, atuagaannaanngilarli. Tassami meeqqat namminneerlutik meeqqanut erinarsuutinik appisimaarsinnaanngorput, pinnguarlu una nutaaq meeqqanut tulluarsagaalluni – taamaasillutillu meeqqat erinarsuutinut nipilersuutinullu soqutiginninnerat ineriartortinneqarsinnaalluni! Atuagaq kartonnginik qupperneqarpoq, pattagiartaqareerlunilu. Qalipaatit kisitsisillu nuutini patiffinnilu atorneqarnerisa meeqqanut erinaatit atornissaat ajornarunnaarsinneqarpoq. Meeqqallu maluginngisaminnik nuutersorneq ilinniassavaat.

Imarisaa: Anaana kaakkama, Bamsi sinippoq, Erinarsorniarta, Kulloq illit, Mikisuaraagama, Piitaq aasiannguaq, Piitaq uumaa, Sapaatip akunnerata ullui, Sialualaarluni, Soralumma ralumma

 

atuakkiortoq

Naja Rosing-Asvid maannamut atuakkanik arlalinnik saqqummersitsisimalerpoq. Naja meeqqanut atuakkiassanik isumassarsiullaqqeqaaq, maannalu isumassarsiaasa ilaat erinarsuutinngorlunilu nipilersuutinngorpoq.
Kommuneqarfik Sermersuuminngaanniit 2014-imi kulturikkut nittarsaassisussatut taaneqarpoq. Naja Rosing-Asvid pillugu paasisaqarnerorusukkuit  www.najarosingasvid.dk alakkaruk.

 

atuakkat allat atuakkiortumit

Ivalo & Minik
Aqipi – toornaarannguaq
Aqipi – aasivimmiittoq