Juaaka Lyberthimit juullissamut ammartagaq ilaqutariinnut tamarmiusunut
Qiterlerujuk aamma Mikileraallak suli angerlamut apuutinngillat. Nissiaqqat angajoqqaavi assut isumaalupput. Nissiaqqat ataataata Kullorujuup kulluni milluaqattaarpaa, nateq uteqattaarlugu saqisaajutigaluni, anaanap Tikertalaap eqqissisaraluarpaa. Kullorujuk isumaaloqaluni oqarpoq: “Sumunuku pisimasut, nissiaraaraatinnguavut, aallersitavut, sooruna suli utinngitsut?! Immaqaasinuna qattunermiit ammut sisoriarlutik, sissami puttaarsimasut, naak inerteraluaritsik. Aah, immaqa quaallutik isitalaarput!”
atuagaq
Orpilissat nunarsuarmi kusanarnersaanni Juaakap peroriartorfini Uummannaq isumassarsiorfigivaa. Piffissaq ukiunik arlalinnik utertissavarput, taamanikkut Niuertoqarallarnerata telegramminillu nassitsisoqartarnerata nalaanut – aamma nissiararpassuaqarallarnerata torulleerarpassuaqarneratalu nalaanut, taakkulu imminnut juullilernerani akersuuttarallarnerisa nalaannut.
atuakkiortoq
Juaaka Lyberth, nunatsinni kulturilerisuni nuimasuuvoq, atuakkiaqarpoq, nuannarineqarluartunik nipilersugaqarpoq isiginnaartitsissusiaqarlunilu. Ukiorpaalussuarni Katuami aamma Taseralimmi pisortaasimavoq, maannalu Kalaallit Atuakkiortut peqatigiiffianni siulittaasuulluni. Milik publishingimi saqqummersitarivaa Naleqqusseruttortut / Godt i vej, 2014-imi Nordisk Råds Litteraturprisimut innersuussaasoq.
atuakkat allat atuakkiortumit