oqaluttuatoqqat Gunvor Bjerremit oqaluttuareqqinneqartut Miki Jacobsenimit assiliartalersorneqartut Mariane Petersenimiillu kalaallisuunngortinneqartut
“Taava tuulliup tulugaq qalipaasersortussanngorpaa. Qalipaat qernertoq tigoriarlugu tulukkap meqqui qalipalerpai qernertuinnanngorteriarlugu angisuunik qaqortunik toornilersorlugu. Meqqui tamaasa assigiimmik toornilersorpai. Tuulliup tulukkatulli suliani naammagisimaaqaa. Tulugaq aperaa allani nutaat qanoq iginerai, tulukkalli naammaginngilaa. Takuaa sulummi illuata ataani allai imminnut nikingalaartut. Taamaattumik tuullik qalipaammik arsaariarlugu tuulliup suliai iluarsarnialerpai. Sivitsunngitsoq meqquni tamaasa qernertuinnanngorlugit qalipaasersorpai. Inernera takugamiuk narrujuummerluni imminut kamaatilerpoq, qarlulerlunilu: – Qaaq, qaaq, qaaq.”
atuagaq
Qanga kalaallit oqaluttuaatitoqaanni uumasut inuttut oqaluttarlutillu eqqarsartartut ilaannilu inorroortut aammalu angutit nunarsuaq kaajallallugu qajartortut toqusimasut nunaanniit uummaqqinniarlutik ilaannilu arnat inorujussuit naapinneqarsinnaapput. Ukunani katersani, meeqqanoornerusuni, oqaluttuatoqqat ilisimaneqarluartut nuannarineqaqisullu soorlu Kaassassuk, Sassuma Arnaa Anngannguujullu atuarneqarsinnaapput soorunami aamma oqaluttuatoqqat puigorneqaannarsimasut ilanngunneqarput. Atuakkiortoq isiginnaagassiortartorlu Gunvor Bjerrep oqaluttuatoqqat sakkortuut, perorsaataasinnaasut, illarnartut ersinarsinnaasullu allaqqitassatut toqqarsimavai, taakkualu amerlanerit Jørn Rielip tulleriittut sisamanngorlugu saqqummersinnikuusaanniit Knud Rasmussenip atuakkiaa Myter og sagn fra Grønland najoqqutaralugu saqqummersinneqarnikuninngaanneerput.
Miki Jacobsenip imilersarissanik qalipagai assut kimeqaqalutillu kusanarput, oqaluttuatoqqanullu takorluuminarnerulersitsillutik.
atuakkiortoq
Gunvor Bjerre Aviisiliortoq atuagaatilerisorlu. Nunarpassuarnut angalasarsimalluni Kalaallit Nunaat tikittarsimasamini nuannarinerpaasimavaa. Gunvorip inuunini tamaat meeqqat sammisarisimavai, pingaartumik Danmarks Radiomi meeqqanut inuusuttunullu tunngasut, aammalu atuakkiortarluni meeqqanut erinarsuusiortarsimalluni.