Tupilak

Tupilaat nalunngiligit? Ua´ nalunng´! Qalipaatit aqerluusarlu tigoriannguakkit, taava paasisassarsiussaagut …

atuagaq

Kalaallit tupilaataat pillugit atuakkiaq meeqqanut qalipagassartaqarlunilu oqaluttuassartaqartoq. Tupilak siuaasat tarninginik anersaavinilluunniit isumaqarpoq, siornatigullu taaguut taanna anersaanut tupinnartunut amiilaarnartunullu atorneqartarsimavoq. Angakkup isertorluinnarluni uumasut saarngi atortuilu katiterlugit sananeratigut tupilaap tarninga akeqqamut akiniaanissaq siunertaralugu aggersarneqarsinnaasarsimavoq. Tupilak tarnermut pigitinneqartarlunilu najugassaritinneqartarpoq. Akeraq toqunniarlugu tupilak aallartinneqartarpoq. Taamaaliornerli navianartoqartarpoq tupilaap toqunniakkani pilersitsisuminit pissaaneqarnerugaangat pilersitsisuni uterluni toquttarmagu. Europamiut alapernaatsut tikissimalermata kalaallit eqqumiitsuliortui tupilaap ilusaa takutinniarlugu ilusilersuisalerput, taakkualu saarngit ujaqqallu atorlugit ilusilersukkat ullumikkut nalunngilagut.

atuakkiortut

Stine Lundberg Hansen oqaluttualiortuuvoq, Maria Bach Kreutzmannimit, Bestiarium Groenlandicamut, kalaallit oqaluttuatoqaanni toornat, uumasut inuunngitsullu pillugit atuagarsuarmik najoqqutassiaasumik aaqqissuisuusumit, assiliartalersugaavoq.