Ullut arfineq-marluk

Tallimanngorneq. Eqiasukujuttumik itertarfiga kingoqqutilaarlugu makippunga, inuunera imaqanngilaq. Misigissutsikka højtaleritut nipeqarpata højtaleri nipeqanngilaq. Tallimanngorneq arfininngornermukarputit, ullumi tallimanngorneq allaanngilaq qernertumik qalipataq, qaqortunik qiperukkatut ittunik sinitalik. Tallimanngorneq sooq tungujortumik qaamasumik qalipassinnaanngilakkit? Manisiviliorlutit neriuutinik nivingasunik suli panerneqanngitsunik. Tallimanngorneq oqarfigaakkit eqqortoq eqqunngitsorlu nalunngippallaalersimavakka. Peroriartornerami tamaat avatangiisinnit tusartuarsimavara una eqqortoq unalu eqqunngitsoq. Ilumoorpormi. Ilaatigut isumaqataasinnaavunga, pingaarnerpaasorli tusarsimanngilara; uanga nammineerlunga eqqortuusorisara malissallugu.

atuagaq

RAW nutaajuvoq atuakkiaaqqanit isikkumikkut assigiiaakannersunit atuakkiorngaarsuneersuusut – nutaalianik isikkullit akisuujunngitsullu.

Maanna siulliit marluk saqqummerput, tamanut saaffiginnittut kalaallit atuakkiaannik nutaanik soqutiginnittunut – immaqa inuusunnerusunut atuartartuunerusunut. Allatat annikitsuinnarnik aaqqissuussaapput, taamaattumik taaguuteqartut RAW, siulliillu marluk nutaarluinnartut ipput misileraanertullu ittuullutik.