Martin Brandt Hansenimit torrattunik illarnartunillu assiliartalersorneqarpoq

Piitannguaq Alaufesenip Facebookimi kammalaataai 5000-ingajaapput, taamaammallu inuunermut eqqarsaasersuutai inuppassuarnut apuutereerput. Amerlasoorpassassuit Piitannguaq ilisimasarigaluarpaat isiginnaartitsisartutut quiasaarisartutullu, taamaakkaluartoq inuunermi pingaartunik ilumoorsaartunik eqqartuivoq. Atuakkap imai isumakkeerinninnermut, akuersaarsinnaanermut imminut inoqammullu ataqqinninnermut tunngassuteqarput, inuunermillu nuannersumik atugaqarnissamut tikkuussisuulluni.

Piitannguaq Angi Alaufesen Aasianni inunngorpoq 15. april 1973 Attumilu peroriartorluni. Najugarisaq qimannagu perorsaasutut ilinniarsimasuuvoq maannalu Ilulissani perorsaasutut sulilluni. Piitannguaq sunngiffimmini quiasaaraluni isiginnaartitsinermik soqutigisaqartuuvoq, taamatullu ilisarisimaneqarlualersimalluni. Tamatuma saniatigut Facebookimi eqqarsaatissiisarpoq

inuunermi akersuuttariaqarnermik oqariartuutilinnik.