meeqqanut assinik atuakkiaq Bolatta Silis-Høghimit
“Aima sininniaraluarpoq, kisianni Mannap naavi quluaqattaarput. ”Qorlortitartillaraani kikiattalaallit immulikuloorlugit, immar’ aam’ agurkililaarligit, ”Manna isussuppoq. Aima ataatami sannataasiviani kikiassarsivoq, skålerlu immuleruttorlugu anaanap naammattoorpaa: ”Aima, unnuaannakkut sulerivit? Qorlortitat kikiallu? Aamma agurki?” Aimap Manna kaannerarmagu anaanap upperinngilaa.”
atuagaq
Aima qaa schHh!-mi Aima suli qiimasorujussuuvoq takorluuillaqqissuullunilu. Aima sininnaveerpoq. Sinililiivissorlu Mannarsi Pandetage Isbo Sodavagn Chokolarsen aggertarpoq aliikkusersortarlugulu Aima, aqaguani qasoqqatittarlugu. Anaanaa ataataalu uumisulerput Aimalu naveerlugu, uffa Manna pisuusoq.
Bolatta Silis-Høeghip atuagaq nammineerluni oqaasertalersorlugulu ilusilersorpaa. Siniffiup sinaaniittoq Aimap silarsuaarigaa naqissuserniarlugu massakkut qalipaatit sinnattorpalaarnerit atorneqarput. Aimap Mannallu qiortakkanik assiliartaasa isumassarsiarineqarneri qalipaatinut qarsungasunut sanilliullugit torrallataapput.
atuakkiortoq
Bolatta Silis-Høeghi inuusuttuuvoq Kalaallit Nunaata eqqumiiitsuliortua pikkorilluinnartoq. Atuakkiaqqaatini Aima nammineerluni assiliartalersorlugulu oqaasertalersorpaa. 1981-imi Qaqortumi inunngorpoq peroriartorlunilu. 2006-imi Århus kunstakademimi ilinniarnini naammassivaa, taassumalu kingorna Kalaallit Nunaanni Danmarkimilu saqqummersitseqataallunilu nammineerluni saqqummersitsisarpoq. Bolattap atuakkiai Aima aammalu Aima qaa schHh! meeqqanut atuakkianut allanut sanilliullugit nalinginaasuunngillat, qiortakkanik qalipakkanillu qalipaatigilluinnartunik assiliartalersugaagami.