Eqqaamasalikkersaarut Anne Sofie Hardenbergimit aamma Pia Christensen Bangimit

 

Asasara Per,
Eqqumiigissagunarpat inummit tusarsimanngisaannakkannit takusimanngisaannakkanniillu Kalaallit Nunaanniit allagarsigavit. Neriuppunga annilaartissanak kinaanera oqaluttuarigukku.
Ateqarpunga Anne Sofie Isaksen, inuullungalu 28-8-48 Qaqortumi, Kalaallit Nunaata kujataani. Kalaallip Helene Isaksenip panigaanga, ataatagaaralu Svend Weber, tassa ilissi ataatarsi. Nuummi realskolemi atuarpunga, aasamut naammassissallunga. Aggustip 19-ianni Danmarkimi aappassiartaarpunga, Atsa Ruthimi.
Tassalu qatanngutigaarsinga ilisimanngisarsi, inuugassili angajoqqaassi isertuussimasaat.

Atuagaq

Angutit qallunaat amerlasuut 1940-kkunni 50-ikkunnilu Kalaallit Nunaannukarsimapput suliartorlutik sivikitsumik sivisuumilluunniit. Taamani kalaallit arnat nalunngisarilersimallugit – pissutsit meerartaarnermik kinguneqarsimasut. Angutit amerlanersaat Danmarkimut utersimapput, tamatumuunalu meerarpassuit peroriartorsimallutik ataatartik qallunaaq ilagisimanagu. Ataatamik ilungersuutit oqaluttualiami Anne Sofie sammineqarpoq, 1948-mi kalaallimik anaanaqarluni ataataalu qallunaajusimasoq kinaanera naluneqartoq. Taanna pillugu qinngasaarneqartarsimavoq kingunerisamavaali ajuallajallunilu inussiortuunnginneranik. Ataataminut atassuteqarusunnera annertusiartorsimavoq, anaanaatalu piumasimanngikkaluarlugu pisinnaveersaarsimagaluaraa Anne Sofiep ataatani nassaarisimavaa 1965-imi, 17-inik ukioqarluni. Ataataata nuannaarutigisimavaa panimi taamak namminersuussisimanera ilaqutariinnermullu ilanngutsikkusussimallugu. Nuliaali isumaqataanngikkallarsimavoq, ilaqutaali sinneri, soorlu aanaavata atsaatalu Anne Sofie tikilluaqqusimavaat. Sapaatip akunneri pingasuinnaat ataataq paniunerlu misigalugu angumerisimavaat ataataa angallannermi ajutoornermi toqusimammat. Tassanngaanniik piffissaq tujorminartoq malitsigisimallugu kingornussassat pillugit oqqanneq ilaquttanillu akuerineqarnissaq anguniarlugu, kisiannili piffissaq taanna aamma pissanganarsimavoq perortitsisimallunilu. Anne Sofie ilaquttanilu Danmarkimeersut attaveqatigiilerput tassanngaanniik.

Atuagaq sananeqarsimavoq Ane Sofiep ilaqutaatalu, ingammik ataatanilu, qatanngutinilu, atsanilu allaffigeqattaannerat pillugu, Anne Sofie Hardenbergip eqqaamasaanik assiutaanillu ataqatigiissilerlugit.

Atuakkiortut

Anne Sofie Hardenberg ukiuni kingullerni kalaallit nioqqutissiaataanik soqutiginninnini nalunngisaqarninilu sammisaqarfiginerpaasarisimavaa. Atuakkiarisimavaa Igaassat – Opskrifter, Atuakkiorfik, 2007, iganeq pillugu atuakkiornermi nunarsuarmi unammisitsinermi nr. 3-nngorsimasoq. Ukioq taanna aamma qinigaasimavoq Kalaallit Nunaata nerisassani ambassadøriatut Ny Nordisk Mad-imi, aamma 2008-mi namminersorluni suliffeqarfini Kvann ApS inuit pingasut ikioqatigalugit aallartisissimallugu Danmarkimi.

Pia Christensen Bang tusagassiortuuvoq ukiorpassuit Kalaallit Nunaanni najugaqarlunilu sulisimasoq, nutaarsiassaqarnermut pisortaasimavoq KNR-imi, 2008-miillu attaveqatigiinnermi sulisuusimalluni Air Greenland-imi. Siornatigut atuakkiarisimavaa arnatsialaat, atuagaq assiliartalersugaq arnat kalaallit arfineq marlut pillugit.