Inuusuttut-nunatsinni nunarsuamilu /Ung i Grønland – ung i verden

 

oqaluttuaaraliat Kalaallinit inuusuttunit atuakkiorlaanit

Suffiap arpattunga takullunga, torrallaalluni matu ikiffissara ammariarlugu kigaatsumik biilit ingerlatilerpai, ikigamalu sukkatsilluni. “GO GO GO GO!” suaartarpunga. Ungasilligatta uneqqippugut hashimillu kukutseriarluta illariililerluta.“I’m not Ying Yang, Ding Dong! I’m Greenlandic!” Oqaatsit anisissinnaasakka aniatippakka, Suffiap illarnerata sakkortusiartornera “Where the fuck is GreenLAND?!”

San Francisco, Niviaq Korneliussen

 

atuagaq

Sooruna Najaaraq imminut kilersitertartoq? Qanormitaavaana Fia San Franciscomut pisoq? Nappaammik toqussutaasinnaasumik eqqugaanermi inuuneq pillugu eqqarsaatit suut qaffakaalersarpat? Angajoqqaat angajoqqaatut akisussaassuseqanngitsut peroriartorfigisimagaanni inuttut ilivitsunngortoqarsinnaava? Kalaallit inuusuttut qulit (15-25-inik ukiullit) atuakkioqataasut oqaluttualiaat Kalaallit Nunaanni ullutsinni inuusuttuunermik – Nunarsuarmioqataanermillu – imaqarput.

Oqaluttualiap aallartinnginnerani oqaluttualiortoq saqqummiunneqaqqaartarpoq, aammattaarlu atuakkap ingerlanerani ilusilersukkat eqqarsalersitsisartut nuisarlutik.

 

 

tunuliaqutaa

Inuusuttut – nunatsinni nunarsuarmilu oqaluttualiaaqqanik katersanik atuakkiaavoq inuusuttunit inuusuttunut. Allattuupput kalaallit atuakkiornialerlaat qulit, inuunermi inissiffissaminnik meeraanermi pakatsisinneqartaraluarlutik imminut upperinermik sorsuuteqarnerminni tiguartinnarluinnartumik oqaluttuartut, asannileqqaarneq, suiaaqatimik asannilerneq, nunarsuarmut allamut angalanerit allarpassuillu. ALLATTA-mi allaaserinnittut qulit NAPA-p milik publishing-illu unammisitsinerannit ajugaasuupput.