Leise Johnsenip Jette Bangip inuunera angalasarnerilu pillugit atuakkiaa
Inunnut qanilaarnerminnik inuunerminnillu tunisiumatuuni avitseqateqarusuttunilu tatigeqatigiinneq imaritillugu inissaqartittarpaa. Taamaammallu assilisai kajungernarsillutik immikkooruteqarluinnarlutillu nutaanngilineq ajorput.
atuagaq
1936-mi arnaq qallunaaq inuusuttoq Kalaallit Nunaaliarpoq. Assiliisartutut ilinniarnini naammasseqqammerpaa, anguniagaalu tassaavoq Kalaallit Nunaanni inuunerup takussutissinnissaa. Kalaallit Nunaat taamani nunanut allanut matoqqavoq. Arnaq tassaavoq Jette Bang, 22-nik ukiulik.
Taamanikkut inuit allanartut assilisarneqarnerat malinngilaa, Kalaallit Nunaannillu siusinnerusukkut taamatut takuneqartarsimanngitsunik takutitaqarluni. Arnat, meeqqat ulluinnarnilu inuuneq assilisarai. Jette Bangip assilisai qaqutigoortumik sakkortuumik qanilaassuseqarput qanorluunniit assiliartaqaraluarlutik. Kalaallit Nunaaniinnermini inunnut avatangiisimullu kusaginninnera nuannarinninneralu takuneqarsinnaavoq assilisaata qaamanermik atuineratigut ilusilersorneqarneratigut sannaatigullu. Takussutissat assinut eqqumiitsulianngortitsisut.
Atuakkami matumani Jette Bangip inuunera angalasarnerilu pillugit, aammalu ’Kalaallit Nunaannik’ assissaqanngitsumik uppernarsaanerata pingaaruteqassusaanik Leise Johnsen allaaserinnippoq. Aammattaaq assilisat 85-it toqqarneqasimasut angisuunngorlugit ilaapput. Aamma atuakkamut ilaavoq DVD Inuit Jette Bangip Kalaallit Pisortaqarfianut 1940-mi sananikuusaa.
atuakkiortoq
Leise Johnsen pisortaavoq Kalaallit Illuutaanni Københavnimiittumi. Ukiorpassuarni Kalaallit Nunaanni sulisimavoq, soorlu pisortaasimalluni NAPA-mi,Nunani Avannarlerni Piorsarsimassutsikkut Attaveqaat. København Universitetimi Eskimologi ilinniarsimavaa, tassanilu inaarutaasumik allaaserisamini Jette Bang sammisimallugu. Taassuma kingorna sulissutigiumalersimallugu Jette Bangip assilisaanik katersuinissaq nalunaarsuinissarlu Artisk Instituttimi.
naliliinerit
“Bogen ”Jette Bang” er en gave til os alle, ikke mindst til det grønlandske folk.” – “Atuagaq “Jette Bang” tamatsinnut tunissutaavoq, minnerunngitsumillu Kalaallinut” Kristeligt Dagblad
“Jette Bangs ikoniske fotografier bliver en skat både i Grønland og Danmark.” – “Jette Bangip assilisai ikoniusut Kalaallit Nunaannut Qallunaat Nunaannullu erlinnartuutinngussapput” Weekendavisen
“Der er noget ganske særligt ved at sidde med billederne foran sig på den måde, i den bedst tænkelige tekniske gengivelse, på tykt papir og i stor format.” AG
”Man kunne ikke have ønsket sig et smukkere minde om Jette Bang, og med bogen er det på bedste vis lykkedes at (gen) fortælle et stykke vigtig grønlandshistorie.” – “Kusanarnerusumik Jette Bangimut eqqaaniutissaqanngilaq, atuagaq torrallataalluarsimavoq kalaallit oqaluttuarisaaneranut takutitseqqittumik.” Politiken – ♥ ♥ ♥ ♥ ♥ ♥