Carsten Egevangimit assinik atuakkiaq

 

Maanna illoqarfik allannguinerup aammalu ullut allanngorneqalerfiit nalaanniippoq. Nunarsuarmut siaruarneq illoqarfeeqqamut annguppoq. Tamanna atorfissaqartitanik periarfissanillu nutaanik ammaassisuuvoq. Qamuteralaat qimussillu sanilerillutik ingerlaarput, nutaaliaasumillu inooriaaseq piniartuunermit ileqqutoqqanut akuliussimalluni. Ineriartornerup kiggisimaviani siunissami inuunissamut periarfissatsialassuit Ittoqqoortoormiuni ipput.
Kiggisimavimmi tamassumani Carsten Egevang iluatsilluakkamik, allaallumi tupinnaannartumik, nunap ilarujussuanut naakkittaatsumut pisippaatigut. Inuup pinngortitarsuullu iminnut qanilaassusaannik misigitilluta – pisinnaasap killinganut.

– Asii Chemnitz Narup

 

atuagaq

Atuakkap Inuunerup killingani assitigut angalaartippaatigut Tunumut, Ittoqqortoormiunullu. Tassanngaanniit illoqarfik qaninnerpaaq 800 km-erinik ungasitsigivoq. Sermersuarlu avannaata kitaani inissisimavoq. Kangimut imaannaq. Tassani inoqannginnersami Carsten Egevangi assiliisaqattaarsimavoq uppernarsarlugu pinngortitarsuaq imaannaanngitsoq inuillu tassani najugallit. Assit qalipaateqanngillat, suliareqqinneqanngitsut imaaliallaannarnikut. 2003-miit 2012-ip iluani tallimariarluni Ittoqqortoormiuliartarsimavoq, piffissallu taakku iluanni assiliisarsimalluni. Atuagaq pingasunik immikkoortortaqapoq: ILLOQARFIK, ersersinniarlugu 1925-imit ullumikkumut niuertoruseqarfiup ineriartornera. AVATANGIISIT, ersersitsiniartoq avatangiisit uumasullu suunerinit. PINIAGASSAT takutinniarlugu qanga piniariaaseq kalaallit ullutsinni qanoq atorneraat. Carsten Egevangip assilisai nammineq misigisaminik nassuiaatitaqaraluartut, assit initunerupput, taakkulu namminneq oqaluttuartinneqarput.

 

atuakkiortoq

Carsten Egevang biologitut ilinniarsimasuuvoq ph.d.-qarlunilu issittumi uumassusilerinermi. Pinngortitaleriffimmi atorfeqarpoq, nuummilu najugaqarsimalluni piffissami 2002-miit 2008-mut. Siullermik assiliisarnini suliffimminut atortoriinnarpaa takussutissaqartitsiniarnikkut, soqutigisailersimallugulu – soqutigisaq nersornaaterpassuarnik nassatalik. 2009-mi “Wild Places”-imi nersornaatisivoq “BBC’s Wildlife Photographer of the Year,”-i unammisitsinerani. Aammattaaq 2011-mi danskini pinngortitamik assiliillammattut nersorniarneqarluni. 2012-mi Naalakkersuisunit “Avatangiisimik pinngortitamillu mianerinninneq pillugu nersornaatisiinerani” nersornaatinnalluni. 2013-milu Global Arctic Awards assinik unammisitsinerani aamma ajugaalluni. Inuunerup killingani assinik atuakkiaata aapparaa. Paasisaqarnerorusukkuit www.carstenegevang.com misissoruk.

 

naliliinerit

Life at the Edge / Et liv på kanten/ Inuunerup killingani uppernarsarpaa inuit ulluinnarni inuunerat tupinnartoq, illoqarfik sanileq tulleq 800 km.-inik isorartutigisoq. Qimusseqataavugut. Meeqqanut skak-imi unammersuartitsinermi ilaavugut. Qimmit nerukkarneqarnerini ilaavugut. Piniaqataavugut, soorluluunniit issersuup assaalertillutalu isigaalertiinnaraatigut. – Life at the Edge / Et liv på kanten/ Inuunerup killingani dokumenterer menneskers hverdagsliv i et forunderligt samfund med 800 kilometer til nærmeste nabo. Vi er med på hundeslædeture. Vi er til skakturnering med byens børn. Vi er med, når hundene fodres. Vi er på fangst og kan ligefrem føle, hvordan hænder og fødder bliver til isklodser i den bidende kulde.
Weekendavisen

Egevangimit torrallataq nutaaq – Nyt mesterværk fra Egevang.
Sermitsiaq.gl

Atuakkat atuakkiortullu ikitsunnguit kisimik Kalaallit Nunaata tupinnassusaa, nuannissussaa pinnarinneralu iluatsillugu takutittarpaat. Carsten Egevangillu Inuunerup killinganilu tamanna iluatsippaat. – Få bøger og få forfattere formår at indfange den mystik, glæde og fascination, som Grønland kan give en. Men Carsten Egevang og Life at the Edge formår det.
Arktiske Anmeldelser