atuagaq isumassarsiassarpassuarnik ilitsersuutitalinnik imalik Ide Jenny Tullinimiit Lis Anker Petersenimiillu

Atuagaq una aqqutigalugu, nutaanik pilersitsisinnaassuserput ilissinnut avitseqatigiissutigerusupparput. Nutaanik pilersitsisinnaanermik nuannarisaqaruit, suliarerusutavillu tullissaanut isumassarsiornissannut isumassaaleqiguit, una atuagaq ilinnut tulluarluinnarpoq. Suliassat maleruagassartallit assigiinngitsut, atuakkami eqqartorneqartut nammineq allalluunniit peqatigalugit suliarisinnaavatit. Suliassat ilaat meeqqatit peqatigalugit suliarisinnaavatit – nuannarissaqaat :)

atuagaq

atuakkami isumassarsiat ilitsersuutitaqarput, taakkualu kikkunniilluunniit misilittarneqarsinnaapput – aallarterlaanut misilittagalinnulluunniit. Atuagaq immikkoortunut assigiinngitsunut arfinilinnut immikkoortitigaavoq, ulluinnarni nalliuttunilu atorneqarsinnaalluni: Atoqqiineq, juulli, pinngortitaq, assassorneq, meeqqat kaffisortitsinerlu.

atuakkiortut

Atuakkiortut marluullutit assassornermik Nuummi Internationale Friskolemi ilinniartitsisuupput. Taakkualu assassortarneri pillugit aperissagaanni akissagaluarput meeraagallaramilli assassorujoornissartik nuannarisarsimallugu imminnullu tamanna nalinginnaasuuginnartoq. Suliffimmi avataani sammisartagaat aamma pilersitserusussuseqarnerannik takutitsipput, tassami nuersaarujoortarput, nissiaarujoortarput, iffiortarput kalaallillu pissarititaannik allanik mamartorsuarnik aamma suliaqartarlutik. Minnerunngitsumillu aamma eqqaasassaavoq meeqqatik sammisaqaqatigerujoornissaat nuannarisaraat, atuakkaniittunilu ilitsersuutini meeqqat ilanngunneqarnissaannut periarfissaqarpoq.