Inuusuttunit, inuusuttunut, inuusuttut pillugit ilisarititsineq

aaqqissuisut Anette Molbech aamma Tina Enghof
Nunarsuarmi maanisut ittumik allamik nassaassaqanngilaq.
Pinngortitamut tunngassuteqanngilaq – inunnulli tunnganerulluni.
Maani uppernanngilluinnartutut ittut pisinnaasorinarput.
Maani inuppalaassuseq inuppalaanngissuserlu ataatsikkut piupput.
Tamaani qajannassuseq naakkittaassuserlu nassaassaapput.
Taaq qaamanerlu.
Qaamaneq, quiasaarneq, neriunneq aamma asanninneq qinerparput.
Peqatigiilluta atortigit.
Nukissavullu tamaasa atorlugit siunissaq uatsinnut pigilersitsigu.
Emma Kuko, Tasiilaq

atuagaq

Ullumikkut Kalaallit Nunaanni inuusuttuuneq qanoq ippa? Inuusuttut qanoq takorluugaqarpat? Sulerisarpat? Sunik tunniussisinnaappat inuiaqatigiillu tungaanniit qanoq neqeroorfigineqarsinnaappat?

Siunissaq kinguaariit inuusuttut pissaraat. Taakkuupput Kalaallit Nunaannik ingerlatitseqqiisussat aammalu namminneq imminnut Kalaallillu Nunaannik nunarsuarmi inissiisussat. Atuakkap Nukissat/Råstof-ip imarai assit, assillu oqaasertaat suliniutit Youth for Future aamma Asannittumik inuulluaritsi ingerlanneqarnerani assilineqarsimasut oqaasertaliunneqarsimasullu. Tassani Piareersarfiit Nuummi, Tasiilami Paamiunilu aqqutigalugit inuusuttut kaammattorneqarput ulluinnarni inuunertik pillugu saqqummiinissaminnut.
Isummersuisuuvorlu eqqumiitsuliortoq assiliisartorlu Tina Enghoff aammalu tusagassiortoq
Anette Molbech peqatigigalugu assilissani pisut, misigissutsit eqqarsaatillu oqaasertalersornissaannut isummersorneqarput. Aammattaaq atuagaq oqaluttuaaqqanik imaqarpoq Inuusuttut – nunatsinni nunarsuarmilu/Ung i Grønland – ung i Verden-minngaanniit tigulaarinninnernik. Oqaluttuaaraliat taakku inuusuttunit 15-25-inik ukiulinnit oqaluttuaaraliarineqarput. Ataatsimut isigalugu atuagaq takussutissaavoq inuusuttut akornanni nutaaliorusussuseq pilersitserusussuserlu. Taamaammat pingaaruteqarpoq inuusuttut
saqqummernissaminnut periarfissinneqarnissaat.