Inge-Lise Lyngemit atuagaq assassornermut atorneqarsinnaasoq
Puisip amiata qaamanermit akisuguttumit tuffigineqarluni qillalaarnerata kusanartup tamatigut alutorsartittarpaanga. Tamatigut attuualaarusulersarpara, assannik ”takorusullugu”, tamaat tagiartarlugu inussakkalu meqquisigut atuataartillugit. Atortussiamik tassannga nuannarinninnera, aammalu atorsinnaaneranut periarfissanik isumaliutikka takutillugit peqatigerusuppakkit. Puisip amia qanoq ililluni suliarineqarsinnaasoq takutikkusuppara, taamaalillunga assilisassiakka atorlugit isumassartaaqqullutit imaluunniit illit nammineq isummersornissamut, ineriartortitsinissamut illilluunniit nammineq assilisassianik ilusiliinissamut isumassarsiorsinnaaqqullutit.
atuagaq
Puisip amia kusanartorujussuuvoq nungullajasuunanilu – aammalu Kalaallit Nunaata avammut tunisassiarisartagaanni pingaarnerpaat ilaanniilluni. Atuakkami nassaarineqarsinnaapput amereriaatsit, ilitsersuutit, suliarineqareersimasullu assii kusanarluinnartut aamma takuneqarsinnaapput, ilisseruteqarpoq taamaasillutillu nammineerlutit taskiliorsinnaavutit, isersimmatiliorsinnaavutit, tiiportiliorsinnaavutit, aaqqatiliorsinnaavutit, nissiaraliorsinnaavutit allarpassuillu.
Atuagaq ilitsersuutinik 30-init ikinnerunngitsunit imaqarpoq taakkualu allannikumik ilitsersuuteqarlutik assitaqarlutik ilisserutitaqarlutillu. Inge-Lise Lyngep atuakkamik atuartoq ammerinerani aallartinneraniit naammassinissaanut ikiorpaa, taamaasillutillu atuartut namminneerlutik ammerisinnaanngorput imaluunniit ammerinianinngaanniit atuagaq isumassarsiorfittut atorluarneqarsinnaavoq.
atuakkiortoq
Inge-Lise Lynge 1974-imiilli Kalaallit Nunaanni najugaqalernikuuvoq. Taassuma siuliatigut Skalsip Assassornermut ilinniarfiani ilinniarsimalluni. Ilinniarfissuarmi 1980-imi ilinniartitsisutut ilinniakkaminik naammassinnippoq. Ukiuni 19-ini Kalaallit Nunaanni meeqqat atuarfiini nuannareqisamini assassornermik ilinniartitsisarluni.
Meeqqat atuarfinniikkunnaarami suliunnaarnissami tungaanut Ilinniartitsinermi Ilisimartusarfimmi (Ilinniarfissuakumi) assassornermi, ilusilersuinermi isiginnaartitsinermilu ilinniartitsisuusimavoq.