Aima Qaqqap Arnaalu Bolatta Silis-Høeghimit

“Namminiivillutit angerlarniarpit?” anaanap Aima aperaa. “Yes,” Aimap anaanani akivaa. “Toqqaannaq atuarfimmiit angerlassaatit,” anaana oqarpoq. “Yes yes,” Aimap akeqqippaa. “Aaku aningaasivik 10 kronilu angerlaleruit tamulugassarsiniutissat, kaalissagaluaruit isumaluleqinaatit.” Aima: “Ijajja.” “Maani utaqqiumaarpakkit,” anaanap oqarfigaa. “Yes yes, paasivaat, ilu ilu ilumoqqinnaaq, tassavik,” Aimamaasiit qiimarpaloqaluni anaanani perujuppaa. Aimap atuagaasivini piareersarpaa, aningaasivik ikillugu aalisaateerarlu – angerlaleruni nuannisaatissaminik isumassarsigami.

atuagaq

Aima maanna 2. klassimi atualersimavoq ikinngunnilu Mathilda isumaqatigiissimapput soraarunik angerlamut ingiaqatigiissallutik. Niviarsiaqqalli Aimap anaanaminut neriorsuisimaneratulli ingerlaannaq angerlanngillat. Pillingajaasaaqqaalaarput, taavalu Qaqqap Arnaata usserarpai iseqqullugit, tassa Aimap isumaannarmigut Matildap aanaava taamatut atsersimagamiuk. Aanaa ammalortunik naarujussuaqarpoq sulilu anginernik nuloqarluni, illaraangallu qaqqamut allaat sajuppiluttarput. Aimap anaanaa ernumalerpoq, isumaqatigiinnermissut Aima angerlanngimmat …

 

atuakkiortoq

Bolatta Silis-Høegh inuusuttuuvoq Kalaallit Nunaata eqqumiiitsuliortua pikkorilluinnartoq. Atuakkiaqqaatini Aima nammineerluni assiliartalersorlugulu oqaasertalersorpaa1981-imi Qaqortumi inunngorpoq peroriartorlunilu. 2006-imi Århus Kunstakademimi ilinniarnini naammassivaa, taassumalu kingorna Kalaallit Nunaanni Danmarkimilu saqqummersitseqataallunilu nammineerluni saqqummersitsisarpoq. Bolattap atuakkiai Aima aamma Aima qaa schHh! meeqqanut atuakkianut allanut sanilliullugit nalinginaasuunngillat, qiortakkanik qalipakkanillu qalipaatigilluinnartunik assiliartalersugaagamik.

Bolatta pillugu annerusumik uani atuarit bolatta.com

 

atuakkat ilaat

Aima

Aima qaa schhh!