meeqqanut atuagaq Naja Rosing-Asvidimit, kalaallisuunngortitsisoq Tupaarnaq Rosing Olsen
“Tassanngaannaq Aqipi iterpoq tupaallaqalunilu meerarpaaluit nerisassanik natermiittunik tikkuartuisut takullugit.
Aatsaat taamak meeqqanik tupinnartigisunik takulerpoq. Ilaat tupinnakalaanik nasaqarput, ataatsillu siutaaniit allunaasaaqqat anillassimapput, allalu saviminernik kiguteqarluni. Nukappiaraq ataaseq tungutsorinnik angisuunik iseqarpoq sumullu tamanut tikkorsimasunik qaamasunik nujaqarluni. Allaanngivippoq tupilassuaq.”
atuagaq
Ukiorpassuit matuma siorna Nunatsinni angakkorsuaqarpoq. Toornaaranngua Aqipi qanga pisunut siunissamilu pisussanut utertaqattaarsinnaavoq.
Ullut ilaanni angakkup Aqipi ullualuit siuartippaa nannunniarnissamut sila ajussannginnersoq takoqqullugu. Aqipip tulugaq pinnguaqatigilerpaa, angerlaleramilu killormut sammisoorpoq siunissamullu ukiut untritillit – ullutsinnut – apissilluni. Aatsaat kingusissukkut paasilerpaa, katersugaasivimmiinnini, avatangiisut ilisarnaraluarlutik – naalli inuppassuit, soorunalu uumasup nipaaqisut? Takkuteriasaarput takornariat, Aqipillu takusaminik qanoq isumaqassanerluni isumaliussanerlunilu naluippaa. Nalerput qanga isinit takuneqarnera misigisaavoq quianartortalik – assiliartaasalu Nunatta qanga kulturitoqaanut pissanganartuusumut takornariarnissamut meeqqat inersimasullu isumassarsisippaat.
Atuagaq meeqqanut sisamaniit qulingilungiluanut ukiulinnut naleqquttuuvoq.
Atuagaq kalaallisut, qallunaatut tuluttullu oqaasertalerlugu saqqummersinneqarpoq.
atuakkiortoq
Naja Rosing-Asvid arkitektitut ilinniarsimasuuvoq, saniatigullu nammineq imminut eqqumiitsuliortutut ilinniarsimasuulluni saqqummersitsitanik ulikkaartoq. Ukiorpassuarni Nunatta katersugaasiviani sulinikuuvoq, taannalu isumassarsiorfigisarsimallugu tassanissaarlu Aqipi pillugu oqaluttuaq isumassarsiarisimavaa. Kommuneqarfik Sermersuuminngaanniit 2014-imi kulturikkut nittarsaassisussatut taaneqarpoq. Atuakkiortutullu una atuagaq saqqummersisteqqaatigivaa. Naja Rosing-Asvid pillugu paasisaqarnerorusukkuit www.najarosingasvid.dk alakkaruk.