assilissanik oqaluttualiaq Lilian Brøggerimit Dorte Futtrupimillu

kalaallisuunngortitsisoq Juana Petrussen
qallunaatut: hullet i himlen

 

Assilissat imaannaanngitsut atorlugit inuusuttunut inersimasunullu oqaluttuaq qanorluunniit nalaataqaraluaraanni inuunermik toqqaanissamut tunngasoq. 

 

atuagaq

Eqqumiitsuliortoq Lilian Brøgger oqaluttuartorlu Dorte Futtrupip kalaallit oqaluttuatoqaataat arnaq toqusimasut inaannut pulaartoq, nalinginnaajunnaarlugu oqaluttuareqqippaat. Taanna oqaluttuareqqitaq tassaalerpoq Qilaap putua, qallunaatut 2011-mi Høst og Søn aqqutigalugu saqqummertoq. Oqaluttuami pineqarpoq anaanaq marlunnik ernilik immakkut ajunaarsimasunik. Aliasunnermini timiminiikkunnaartutut misigisaqarpoq, tassanilu qilammukarluni putukkut, aanani erninilu naapeqqillugit. Uternerminilu tarnimik toquleraluartumik annaassivoq, annaassaatalu arnap inuunera annaappaa nerisassatigut isumagilermagu. Assilissanik oqaluttualiaq meeqqanit inuusuttunit inersimasuniillu atuarneqarsinnaavoq. Oqaluttuaq attortinnartoq oqaatsinik atuerpiarani titartakkallu imartuut atorneranni oqaluttuarineqarpoq, taassumalu ersersinniarlugu inuunermik puigorneqassanngitsoq angorusutat suugaluartulluunniit. Aammattaaq ersersinniarneqarpoq inuunermi aqqusaagassat suugaluartulluunniit atorneqartariaqartut.

 

atuakkiortoq

Dorte Futtrup  1990-imili meeqqanut inersimasunullu oqaluttuartartuusimavoq assigiinngitsorpassuarnik sammisaqartarluni. Nunarsuaq suliffigivaa angalatuujulluni ilinniartitsiartorluni, aammattaarlu oqaluttuariartortarluni nunarpassuarnut. Atuagaatilerisutut ilinniarsimasuuvoq, 1980-ikkullu qeqqanni Nunatta Atuagaateqarfiani sulisimalluni. Paasisaqarnerorusukkuit dortefuttrup.dk –imi atuarsinnaavutit.

Lilian Brøgger Københavnip eqqumiitsuliornermik ilinniarfiani ilinniarsimasuuvoq [Danmarks Designskole] ukiullu qulikkaat kingulliit sisamat iluanni atuakkanik assitalersukkanik, ilusilersukkanik oqaluttualiaaqqanik, meeqqanut inuusuttunullu ilinniutinik atuakkanillu allanik saqqummersitsisarsimavoq. Nunagisap iluani avannaanilu assigiinngitsunik nersornaaserneqartarsimavoq, ilaatigut Hullet i himlen-i nersornaaserneqarsimavoq 2011-mi (Årets Bogdesignpris for børn). Paasisaqarnerorusukkuit lilianbroegger.dk takujuk.

 

naliliinerit

Assinik oqaluttualiaq tamanut – En billedfortælling for alle aldre.
Politiken

Annikippalukkaluaqaaq – kisianni taakku eqqumiitsuliortut marluk – Dorte Futtrup aamma Lilian Brøgger – torrallaalluavissimavaat oqaluttuaq una, pissanganartunik nutarpasittunik assiliartalersorneqarsimagami tiguartinnartunillu assersuutinik oqariartuuteqarluni – Det lyder ganske simpelt, men de to kunstnere – Dorte Futtrup og Lilian Brøgger – har fået en hel lille perle ud af dette sagn, der i denne indpakning bliver serveret som en spændende form for moderne tegneserie med et fantastisk medrivende billedsprog.
24Timer

Qilammi putoq tassaavoq oqaluttuaq kalaalermik anaanamik – oqaluttuartup nalunngeqqissaarsimavaa oqaatsit sorlerpiaat atorneqarnissaat, assiliartalersuisorlu piginnaanerminit qaangiisimavoq taamaattoqarsinnaanngikkaluartoq. – Hullet i himlen er historien om en moder på grønlandsk – fornemt forløst af en fortæller, der ved, hvad det vil sige at vælge sine ord med omhu, og en billedmager, der, selvom det ikke burde være muligt, har overgået sig selv.
Kristeligt Dagblad