meeqqanut atuakkiaq Julie Edel Hardenbergimit, assitalersuisuullutik Bolatta Silis Høegh, Christian Fleischer Rex, Inuk Silis Høegh, Jette Brandt, Julie Edel Hardenberg, Juno Berthelsen, Niels Motzfeldt aamma Nuka Godtfredsen
Kunngip kaffisortitsilluni Kaassassunnguup kavaajaareersup kakiornera kusagaa, kakkagaa.
atuagaq
ABCT atuakkiaavoq Julie Edel Hardenbergip oqaaserujuutaanik alanngaagassit naqinnerit malillugit sanaaq. Julie Edel Hardenberg nammineerluni eqqumiitsuliortuuvoq, assitalersuisussanullu aqutsisuulluni eqqumiitsuliortartorpassuit allat peqatigalugit naapisimaarnikkut assitalersuinissamut eqqumiitsuliortitsisoqarmat Katuami. Tassani eqqumiitsuliortut arfineq – pingasut ullluni pingasuni ataatsimoorlutik suleqatigiipput. Inernerivaalu atuagaq nuannersoq allanartoq, assigiinngitsorpassuarnik eqqumiikajaanik ilisarnaatilik. ABCT kikkunnut tamanut tallimmeereersunut innersuunneqarsinnaavoq meeqqat inersimasullu akornanni ataatsimoornerni atorneqarsinnaalluarluni. Aammattaarlu kalaallit naqinneri pillugit ilisimasaqanngitsunut ilinniutaasinnaalluni. Atuakkap naanerani qallunaatut nutserneqarnikuupput oqaaserujuutit tamarmik.
Ataatsimiitsitaliani “Årets Bedste Bogarbejde” (Ukiumi tassani atuakkamik sulissutistialattut) ABCT meeqqanut atuakkani 2007-imi innersuunneqarsimavoq.
atuakkiortoq assitalersuisullu
Julie Edel Hardenberg 1971-imi Nuummi inunngorpoq, kalaallinilu eqqumiitsuliortuni nalunnginneqarluarnersaat ilagigaat tamatigoortuullunilu. Nunatsinni allanilu saqqummersitsisuli ilaasarsimavoq, filmini isiginnaagassiani qitimmillu takutitsinermi scenografini inissititserinernilu suliaqartarsimavoq. Atuakkanik tallimanik saqqummersitsinikuuvoq. Paasisaqarnerorusukkuit Julie Edel Hardenberg alakkaruk.
Assiliartalersuisut eqqumiitsulioriaasiat assigiinngitsorujussuuvoq, atortussallu assigiinngitsut atortarlugit. Aajukua paasissutissat assiliartalersuisunut:
Bolatta Silis Høegh 1981-imi inuuvoq. Paniullunilu kalaallinit eqqumiitsuliortorsuarnit Aka Høeghimit Ivar Silisimiillu. 2006-imii eqqumiitsuliortutut Århus Kunstakademimi naammassivoq, taassumalu kingorna nammineq, allanillu peqateqarluni Kalaallit Nunaanni Danmarkimilu saqqummersitsisarsimavoq. Bolatta assigiinngitsorpassuarnik piginnaasaqarpoq, atuakkiortarpoq, scenografiit eqqumiitsuliortarlunilu. Aima aammalu Aima qaa Schhh! saqqummersinnikuuai.
Christian Fleischer Rex 1977-imi inunngorpoq. Animatoritut naammassinikuuvoq Viborgip Animationsskole-ani. Assigiinngitsuni titartakkanik filmiliani ilaasarsimavoq, soorlu Asterix og Vikingerne. Amalia Lynge Pedersenip atuakkiaani assitalersuisartuuvoq, nammineerlunilu aamma Kaassassuk saqqummersinnikuullugu.
Inuk Silis Høegh 1972-imi inunngorpoq. Eqqumiitsuliortuullunilul filminstruktøriuvoq aammattaarlu Master of art-eqarluni Det Kgl. Kunstakademimit. Filmini ikinngitsuni ilitsersuisarsimavoq saqqummersitsisarlunilu soorlu eqqumiitsuliornermi najoqqutassiaq “Melting Barricades” atorlugu Asmund Havsteen-Mikkelsen peqatigalugu.
Jette Brandt grafikeritut ilinniarsimasuuvoq, ukiorpassuarnilu kusanartunik nutaalianik inissititserisarluni. Misilittagartoorujussuuvoq atortussat assigiinngitsut atorlugit suliaqassalluni, soorlu; kachering, UV-lak, folietryk, stansning, prægning allarpassuillu.
Juno Berthelsen nlunginneqarnerpaavoq nipilersortarnermigut. Kalaallit Nunaatalu eqqumiitsuliortorivaat assigiinngitsunik piginnaanilit. Soorlu titartaanikkut uani atuakkami ilanngussineratigut.,
Niels Motzfeldt 1966-imi inunngorpoq, eqqumiitsuliortutullu Nuummi 1990-imi ilinniarsimasuulluni. Ukiorpassuarni saqqummersitsisarsimavoq. Nationalbankilu aamma 20 kr.-inik sanaassimallugu “qatanngutigiit pingasut”-nik assiliartalimmik. Saniatigullu ilinniartitsiartortarpoq eqqumiitsuliornermik ilinniarfimmut.
Nuka Godtfredsen Narsami 1970-imi inunngorpoq. Grafikeritut ilinniarsimasuuvoq, massakkullu titartaasutut eqqumiitsuliortutullu suliaqartarpoq nammineq ilinniarsimsanimik. Atuagarpassuit assitalersornikuuai, soorlu Atuakkiorfimmut Ilinniusiorfimmillu, aammalu frimærkinut aamma assitalersuisarluni. Nuka Godfredsen Danmarkimi, Kalallit Nunaanni Sverigemilu saqqummersitsisarpoq.
naliliinerit
ABCT er et mirakel af en bog. Både sprogligt og på grund af billedsidens myldrende liv. (…) Hvis denne bog var kommet på dansk og var gjort med samme friskhed, var det kommet på forsiden af avisen!
Politiken
Det er sjældne, kraftfulde illustrationer, der sammen med en temmelig outreret tekst er lige i øjet.
Weekendavisen
Denne utraditionelle skabelsesproces har båret frugt, og en rigtig flot og fin børnebog er der kommet ud af det – som i sig selv er en hyldest til det grønlandske sprog.
AG
Det er en fryd at se sproget blive leget med. Det har manglet. Og med hensyn til billederne er mange af dem ren kunst, som man finder detaljer i, for hver gang man kigger på det.
Sermitsiaq