Assinik atuakkia Julie Edel Hardenbergimit
Kalaaliugaanni qanoq ittuua? Finlanndimiuugaanniluunniit? Soormiluunniimmi Brasiliarmiuugaanni? Oqariaaseqarpa ilisarnaqquteqarpaluunniit tamakkiisumik nassuiaataasinnaasunik, aamma apeqqut ilumut akineqarsinnaava? (….) Nipaatsumik assigiinngisitaarneq apeqqummik immikkut inuiaassuseq kulturikkullu kinaassuseq aallaavigalugit siammasissumik inuit kinaassusiinik takussutissiaavoq.
Tigulaagaq Iben Mondrupip aallaqqaasiutaanit
atuagaq
Assinik eqqumiitsuliortartoq Julie Edel Hardenbergip kalaallit inooriaasiat piniartuunermit aallaavilik kusassagaq tuukkamik aallaavaa. Toqqaannartumillu kalaallit 2000-ikkunni inooruaasiat allaaseralugu inuiattullu assigiinngisitaarneq nunap nukittussusaatut isigalugu. Assilisat ilai tupaallatsitsipput, nuannaajallatsitsipput uissuumisitsipput eqqarsariartitsillutillu pissutsit qanoq inissisimaneri pillugit. Taannalu ajornartorsiut aamma nunanut allanut attuumassuteqarpoq.
Den stille mangfoldighed / Nipaatsumik assigiinngisitaarneq / The quiet diversity Nordisk Råds Litteratur pris 2006-imut innersuunneqarnikuuvoq assinik atuakkiartut, oqallitsitsisimallunilu atuakkioriaaseq pillugu. Pingasoriarluni naqiterneqarsimavoq, naqiterneqarneri siulliit marluk atuakkanik saqqummersitsisarfimmiit nungussimammata.
atuakkiortoq
Julie Edel Hardenberg 1971-imi Nuummi inuuvoq. Trondheimip eqqumiitsuliornermik ilinniarfiani eqqumiitsuliortutut ilinniarsimasuuvoq 1999-imi naammassisaminik. Saniatigullu MA-qarluni Art – Theory and Communication – imi Det Kongelige Danske Kunstakademi-mi 2005-imi naammassisaanik. Julie Edel Hardenberg Kalaallit Nutaata eqqumiitsuliortoraa tamatigoortoq eqeersimaartorlu. Kalaallit Nutaata iluani avataanilu saqqummersitseqataarsarsimavoq saniatigullu isiginnaartitsiffisani aaqqissuisarsimalluni, filmini isiginnaagassiani qitigissanilu. Minnerunngitsumillu atuakkanik tallimanik saqqummersitsinikuulluni. Eqqumiitsuliaasa ilisarnaatigivaat ilisimasamik, kusanartumik, taalliorpalaartumik, illarnarsinnaasunillu suliaqartarnera inuiannut perorsarsimassutsillu suuneranut tunngasunik. Paasisaqarnerorusukkuit Julie Edel Hardenberg alakkaruk.
naliliinerit
Kalaallisut atuagaq nutaaq nunarsuarmioqataanissamut ammaassivoq. Nipaatsumik assigiinngisitaarneq Kalaallit Nunaat pillugu atuakkani ammanerpaatut taaneqarnikuuvoq. – “Ny grønlandsk bog åbner for globalisering. Den stille mangfoldighed er kaldt den mest åbne bog om Grønland nogensinde.”
DR P1 Orientering
Nunap inoqqaatut nunarsuarmioqataasutulluunniit oqallisissatut aallartissutissaavoq. Inunnit mamakujoorniarfiusuuppat sukkuaqqat assigiinngitsorpassuussagaluarput; soorluluunniit atuagaq oqartoq, suna tamaat isummanik tunngavilersuutaannaavoq. – “Som et indlæg i en debat om oprindelighedskultur versus globalisering er den kærkommen. I menneskehedens slikbutik er der kun blandede bolsjer; alt andet er ideologi, synes værket at sige.”
Politiken
Atuakkamik eqqumiitsuliaavoq Kalaalliy Nunaanni kisiartaalluni. Eqqarsalersitseqaaq kalaaliussuseq pillugu, suullu puigugaaginnartut. – “Det er en kunstbog, som er enestående af sin slags i Grønland. Den giver en masse at tænke over, og grænserne for, hvad der er grønlandsk, bliver flyttet.”
AG
Asserpassuit takussutissaqaqaaq annikitsunik, taamaammat atuagaq atuaqattaarneqarsinnaavoq , (…) immaqa oqartoqarsinnaanngilaq atuaqattaarneqassasoq, isiginnaagassaammat misigisassaallunilu – “De mange gode billeder udtrykker en detaljerigdom, som gør, at man kan læse bogen igen og igen […] Det er måske forkert at sige ”læse bogen” – for den skal ses og opleves…”
Sermitsiaq
Nipaatsumik assigiingisitarneq inuiannut tunngasunik kinaassutsinullu tunngasunik apeqqusiivoq, ersittumillu takutllugu ullutsinni kalaallit qanoq assigiinngisitaartiginersut. – “Med Den stille mangfoldighed vil hun stille spørgsmål om etnicitet og identiteter, demonstrere visuelt, hvilken variationsrigdom den nutidige grønlandske virkelighed rummer…”
Information