Julie Edel Hardenbergimit atukkaminnik allannguisut pillugit atuakkiaa
– Arlaannik meeraaninni misigisapiluttarsimanerpit kingunerisa inuuninnut ulluinnarni sunniutai oqaluttuarilaakkit.
– Imminut asanissara, akuerinissara tatiginissaralu ullut tamaasa sorsuutigisarpara.
atuagaq
Atuagaq una oqaluttuaaqqanik ilumoortunik imaqarpoq, peroriartornermi sumiginnagaasinamermut, imminut tatigileqqinnissamut ulluinnarnilu inooriaseriniakkami allaanerusunik pingaartitsiniarnissamut, pingaartitat peroriarternermi ilisimasimanngisat – inuunermillu asanninniarnermik.
Eqqumiitsuliortup Julie Edel Hardenbergip inuit assigiinngitsut inuunertik pillugu oqaluttuaqqusimavat. Taakkua assigiissutigivaat inuunerminni atukkaminnik allannguinerat, peroriartornerminni atukkat nuanniitsut qimanniarlugit. Juliemut pingaartuusimavoq oqaluttuat nuannersut qitiutinnissat, aammaassisoqarnissaa isumassarsiuussinissarlu siunissami inuunerminni atukkanimmik allannguerusuttunut.
Move on assinik qiortakkanik ilusilersorneqarsimavoq Julie Edel Hardenbergimit. Taamannak ilusilersorsimanera peqqutaalluni atuagaq eqqumiitsuliaavoq. Atuakkap qulequtaa, erinarsuutip atuakkami saqqummeqataasup qulequtaraa, taannalu immiunneqarsimalluni nipilersortartumit Juno Berthelsenimit, Juliep aqqaluaa.
atuakkiortoq
Julie Edel Hardenberg 1971-imi Nuummi inuuvoq. Trondheimip eqqumiitsuliornermik ilinniarfiani eqqumiitsuliortutut ilinniarsimasuuvoq 1999-imi naammassisaminik. Saniatigullu MA-qarluni Art – Theory and Communication – imi Det Kongelige Danske Kunstakademi-mi 2005-imi naammassisaanik. Julie Edel Hardenberg Kalaallit Nutaata eqqumiitsuliortoraa tamatigoortoq eqeersimaartorlu. Kalaallit Nutaata iluani avataanilu saqqummersitseqataarsarsimavoq saniatigullu isiginnaartitsiffisani aaqqissuisarsimalluni, filmini isiginnaagassiani qitigissanilu. Minnerunngitsumillu atuakkanik tallimanik saqqummersitsinikuulluni. Eqqumiitsuliaasa ilisarnaatigivaat ilisimasamik, kusanartumik, taalliorpalaartumik, illarnarsinnaasunillu suliaqartarnera inuiannut perorsarsimassutsillu suuneranut tunngasunik. Paasisaqarnerorusukkuit Julie Edel Hardenberg alakkaruk.
naliliinerit
Atuakkap sammisarinngilaa inuusuttut pikkunaatsunik ajornartorsiutillit, kisiannili eqqumiitsuliornermut nukissalik, ilusilersuinissamut nutaaliorluarsimasoq. Ullutsinnilu oqariartaaseq nalunnginneqarluartoq ‘Yes we can!’ niperalugu. – Der er ikke noget kedeligt ung-i-krise over denne her bog, tværtimod er der et kunstnerisk overskud. afsat som en uhyre grafisk opfindsomhed. Med tidens populæreste slogan et: Yes we can!
Berlingske Tidende ★★★★★
Isumaqartoqarsinnaagaluarpoq atuagaq imigassanut, nakuusernermut, sumiginnaanermut tunngasoq alisunnassasoq. Naa. Soorunami Julie Edel Hardenbergip atuagaq nuannersisippaa qalipaatigissunik qiortakkanik assiliartalersorsimmagamiuk oqaluttuat naagaangata. Oqaluttuartut 16-it tamarmiullutik kinaanerminnik oqaaseqanngillat, oqaluttuat tamanna sakkortunerulersippaa. Tamanna peqqutaalluni Julie Edel Hardenbergip oqaluttuartut assai tamarmik assilisimavai. Torrallalluaavillugu: assaasa oqaluttuat ataqatigiilersippai. – Nu kunne man godt forledes til at tro, at en bog om alkohol, vold og omsorgssvigt blev trykt med sørgerand. Men nej. Julie Edel Hardenbergs bog er selvfølgelig fyldt med farverige collager, afstemt efter den enkelte beretning. Ikke alle 16 bidragsydere giver sig til kende i bogen – dertil er deres oplevelser i barndommen endnu for smertefulde. Julie Edel Hardenberg har derfor valgt at portrættere dem med 16 fotografier af deres hænder. Det fungerer flot: Hænderne binder historierne sammen.
Sermitsiaq