Anaana ataatalu aalakooraangata

atuagaq oqaloqatigiilersitsisinnaasoq Amalia Lynge Pedersenimit Christian Fleischer Rex assitaliartalersugaq

atuagaq

Anaana ataata aalakooraangatami naapinneqarsinnaapput qatanngutigiit Malik aamma Ulorna, taakkua angajoqqaatik najugaqatigivaat illut uiguleriiaat ilaanni. Angajoqqaavi imertarput, tamannalu Malimmut Ulornamullu nuannerpallaanngilaq.  Atuakkami oqaluttuarineqartut ataasiakkaat piviusorpalaartulli aqqutigalugit meeqqat misigissutsinik ilungersunartunik inuttullu mattusimanermik ilaqutariinni imigassartorfiusuni meerarpassuartulli allatut atugaqarnerminnik ilisarinnissinnaapput.

Anaana ataatalu aalakooraangata atuakkani oqaloqatigiilersitsisinnaasuni nangeqattaartuni ilaavoq, taakkunanilu paquminarsinnaasut eqqartoruminaatsullu sammineqarlutik. Meeqqanut kalaaliusunut tallimaniit qulinut ukiulinnut innersuussaavoq. Atuagaq Anaana ataatalu aalakooraangata,  Når mor og far drikker-imit aallaaveqarpoq Anna Rosenbeckimit Inger Thormanimillu atuakkiarineqartumit. Amalia Lynge Pedersen kalaallisut suliaralugu allanngorlugu allaqqippaa, Christian Fleischer Reximillu assitaliartalersorneqarluni.

atuakkiortut

Amalia Lynge Pedersen Århus universitetimi cand.psych.-itut ilinniarsimasuuvoq. Psykologitut sulinermini meeqqanik inuusuttunik ilaqutariinnillu sullissisarsimavoq, ukiorpassuarnilu kalaallit meerartaanut atugarititaasut misilittagaqarfigalugit. Siunertaq kalaallisut oqaloqatigiilersitsisinnaasumik atuakkiornissaq pilerpoq, psykologiniit atuakkiaq Anna Rosenbeck aamma Inger Thormannimit,Når mor og far drikker atuaramiuk. Atuakkiortumut pingaartuusimavoq oqaloqatigiilertitsisinnaasumik atuakkiornissaq eqqarsaatinik, misigissutsinik paquminarsinnaasunillu imalinnik sammisaqartunik inuiaqatigiinnut tapernaasinnaanissaq. Ilaqutariinnermut naalakkkersuisoqarfik suleqatigalugu atuakkanik oqaloqatigiilersitsisinnaasunik sisamanik saqqummersitsipput. Anaana ataata aalakooraangata nangeqattaartuni siulliuvoq.

atuakkat allat nangeqattaartuni

Ataata isertitsivimmiippoq
Anaana qasusoorpoq
Anaana ataatalu annersaagaangata
Suluup aataava toqummat