Anaana qasusoorpoq
oqaloqatigiilersitsisinnaasutut atuakkiaq Amalia Lynge Pedersenimit, Christian Fleischer Rexip assiliartalersugaa.
atuagaq
Anaanap allarluinnarmik pissusilersulernera takullugu meeraq aliasulerlunilu annilaangalersinnaavoq. Suna asuleernerua sunalu piviusuua? Aammami ilaqutariinni ajornartorsiuteqartoqartillugu/napparsimasoqartillugu meeqqat ‘puigorneqaratarsinnaapput‘. Taannaavoq atuakkap Anaana qasusoorpoq’p imaa. Atuagaq una nangeqattaartuni ilaavoq, taakkunanilu paquminarsinnaasut sakkortusinnaasut sammineqarput.Meeqqanut kalaaliusunut tallimaniit arfineq-marlunnut ukiulinnut innersuussaavoq. Atuakkiaq danskisoortoq Mor er psykisk sygAnna Rosenbeckimit Inger Thormanimillu atuakkiarineqartumit tunngaveqarpoq. Suliareqqinneqarpoq atuakkiareqqinneqarlunilu Amalia Lynge Pedersenimit Christian Fleischer Reximiillu assiliartalersorneqarluni. Ilaqutariinnermut naalakkersuisut milik publishingilu suleqatigalugit saqqummersitaq.
atuakkiortoq
Amalia Lynge Pedersen Århus universitetimi cand.psych.-itut ilinniarsimasuuvoq. Psykologitut sulinermini meeqqanik inuusuttunik ilaqutariinnillu sullissisarsimavoq, ukiorpassuarnilu kalaallit meerartaanut atugarititaasut misilittagaqarfigalugit. Siunertaq kalaallisut oqaloqatigiilersitsisinnaasumik atuakkiornissaq pilerpoq, psykologiniit atuakkiaq Anna Rosenbeck aamma Inger Thormannimit, Når mor og far drikker atuaramiuk. Atuakkiortumut pingaartuusimavoq oqaloqatigiilertitsisinnaasumik atuakkiornissaq eqqarsaatinik, misigissutsinik paquminarsinnaasunillu imalinnik sammisaqartunik inuiaqatigiinnut tapernaasinnaanissaq. Ilaqutariinnermut naalakkersuisoqarfik suleqatigalugu atuakkanik oqaloqatigiilersitsisinnaasunik sisamanik saqqummersitsipput.
nangeqattaartut
Ataata isertitsivimmiippoq
Anaana ataatalu aalakooraangata
Anaana ataatalu annersaagaangata
Suluup aataava toqummat