Anaana ataatalu annersaagaangata
atuagaq oqaloqatigiilersitsisinnaasoq Amalia Lynge Pedersenimit Christian Fleischer Reximit assiliartalersuisoralugu
atuagaq
Najap Qulutannguullu anaanaa ataataalu kamaapput annersaallutillu, ullulli ilaanni ingasappallaalerpoq meeqqat anaanartik ilagalugu qimarnguimmukarput. Angajoqqaat kamaattut annersaattut pisattanillu imminnut milluuttut qitornaalluni takullugit killissamik qaangiineruvoq. Suna upperissavara, qanoq eqqarsassaanga? Qanoq qisuariassaanga? Tulliani uangaassanerpa? Anaana saammarsassavara? Imalluunniit unitsissavakka? Apeqqutik taakku atuakkami Anaana ataatalu annersaagaangatami saqqummiunneqarput. Angajoqqaat imminnut peqqarniippallaaraangata meeqqqat angajoqqaanut angerlarsimaffimmullu toqqissisimasumut misisgissusaat sunnerneqartarpoq – ingammik piffissami peroriartorfimmi toqqissisimaneq asanninnerlu pisariaqartinneqarnerpaaffiani.
Anaana ataatalu annersaagaangata atuakkani oqaloqatigiilersitsisinnaasuni nangeqattaartuni ilaavoq, taakkunanilu paquminarsinnaasut eqqartoruminaatsullu sammineqarlutik. Meeqqanut kalaaliusunut tallimaniit qulinut ukiulinnut innersuussaavoq. Atuagaq Anaana ataatalu annersaagaangata, Når mor og far slår-mit aallaaveqarpoq Anna Rosenbeckimit Inger Thormanimillu atuakkiarineqartumit. Amalia Lynge Pedersen kalaallisut suliaralugu allanngorlugu allaqqippaa, Christian Fleischer Reximillu assiliartalersorneqarluni.
atuakkiortut
Amalia Lynge Pedersen Århus universitetimi cand.psych.-itut ilinniarsimasuuvoq. Psykologitut sulinermini meeqqanik inuusuttunik ilaqutariinnillu sullissisarsimavoq, ukiorpassuarnilu kalaallit meerartaanut atugarititaasut misilittagaqarfigalugit. Siunertaq kalaallisut oqaloqatigiilersitsisinnaasumik atuakkiornissaq pilerpoq, psykologiniit atuakkiaq Anna Rosenbeck aamma Inger Thormannimit,Når mor og far drikker atuaramiuk. Atuakkiortumut pingaartuusimavoq oqaloqatigiilertitsisinnaasumik atuakkiornissaq eqqarsaatinik, misigissutsinik paquminarsinnaasunillu imalinnik sammisaqartunik inuiaqatigiinnut tapernaasinnaanissaq. Ilaqutariinnermut naalakkkersuisoqarfik suleqatigalugu atuakkanik oqaloqatigiilersitsisinnaasunik sisamanik saqqummersitsipput. Anaana ataatalu annersaagaangata nangeqattaartuni tulliuvoq.
atuakkat allat nangeqattaartuni
Ataata isertitsivimmiippoq
Anaana qasusoorpoq
Anaana ataatalu aalakooraangata
Suluup aataava toqummat