Suluup aataava toqummat

 

Oqaloqatigiilersitsisinnaasutut atuakkiaq Amalia Lynge Pedersenimit, Christian Fleischer Rexip assitliartalersugaa.

atuagaq

Atuakkami Suluup aataava toqummat eqqartorneqarput napparsimaneq, toqu ilaquttamillu qanigisamik annaasaqarnermi aliasunneq. Tamanna meeqqanut siusinnerusukkut annaasaqarnermik misigisaqarpallaarsimanngitsunut aammalu aliasunnerminni, inersimasut nammineq aliasunnerat pissutigalugu arajutsineqaratarsinnaasunut sakkortusinnaavoq.

Suuluup aataava toqummat atuakkani oqaloqatigiilertisinnaasuni nangeqattaartuni ilaavoq, taakkunanilu paquminarsinnaasut, eqqartoruminaatullu sammineqarlutik. Atuagaq meeqqanut kalaaliusunut tallimaniit arfineq-marlunnut ukiulinnut innersuussaavoq. Atuagaq danskit Anna Rosenbeckip Inger Thormanillu atuakkiaannit Da Martins bedstefar døde-mit tunngaveqarpoq. Amalia Lynge Pedersenip suliaralugulu allaqqippaa, Christian Fleischer Reximillu nutaanik assiliartalersorneqarluni.

 

atuakkiortoq

Amalia Lynge Pedersen Århus universitetimi cand.psych.-itut ilinniarsimasuuvoq. Psykologitut sulinermini meeqqanik inuusuttunik ilaqutariinnillu sullissisarsimavoq, ukiorpassuarnilu kalaallit meerartaanut atugarititaasut misilittagaqarfigalugit. Siunertaq kalaallisut oqaloqatigiilersitsisinnaasumik atuakkiornissaq pilerpoq, psykologiniit atuakkiaq Anna Rosenbeck aamma Inger Thormannimit, Når mor og far drikker atuaramiuk. Atuakkiortumut pingaartuusimavoq oqaloqatigiilertitsisinnaasumik atuakkiornissaq eqqarsaatinik, misigissutsinik paquminarsinnaasunillu imalinnik sammisaqartunik inuiaqatigiinnut tapernaasinnaanissaq. Ilaqutariinnermut naalakkersuisoqarfik suleqatigalugu atuakkanik oqaloqatigiilersitsisinnaasunik sisamanik saqqummersitsipput. Suuluup aataava toqummat nangeqattaartuni pingajuuvoq.

 

nangeqattaartut

Anaana qasusoorpoq
Anaana ataatalu aalakooraangata
Anaana ataatalu annersaagaangata
Ataata isertitsivimmiippoq