meeqqanut atuagaq Naja Rosing-Asvidimit

Angakkup timini qimappaa Aqipilu ilagalugu torsuusakkut anillalluni. Taamaasiniariartorlu anersaapiluit takkussuupput angakkullu timaa uumassuseqanngitsoq tiguarniarsaralugu. Qilaat nipilioqaluni illup iluani timmeralaarpoq, Qisulu sumi tamanittaaq timmeralaarpoq. ”Peerniaritsi, aniniaritsi,” nilliavoq. Inuit anersaat oqaasiinik paasisinnaanngitsut tarrup ataani nipit amiilaarnartut kisiisa tusaavaat, illermilu suli eqiterunnerullutik.

atuagaq

Asimioqarfimmi pissakilliortoqarpoq kaattoqarlunilu. Sikulluarsimavoq piniagassaqarnanilu, aappariillu marluk meerartaarsinnaanngillat. Aqipi angakkorlu arsarnernut aallartariaqalerput angakkup aataava naapinniarlugu, taassuma aqqutissiuutissammagit Asiamut, Qaammatip Erneranut Sassuma Arnaanullu. Kisianni angalaneq Angakkumut ikiortaanullu takivoq navianarlunilu…

Toornaarannguaq Aqipi oqaluttualiani pingasuusuni uanilu naggataagallartumi, anersaat silarsuaanni angalavoq. Naja Rosing-Asvidip nuannerluinnartumik oqaluttualiamigut, kusanarluinnartunillu qalipaasersorluakkanik titartagalersuinermigut ersersippaa, oqaluttuaatoqaatigut aammalu qanga piniartut inooriaaserisimasaat.

atuakkiortoq

Naja Rosing-Asvid arkitektitut ilinniarsimasuuvoq, saniatigullu nammineq imminut eqqumiitsuliortutut ilinniarsimasuulluni saqqummersitanik ulikkaartoq. Ukiorpassuarni Nunatta katersugaasiviani sulinikuuvoq, taannalu isumassarsiorfigisarsimallugu tassanissaarlu Aqipi pillugu oqaluttuaq isumassarsiarisimavaa. Kommuneqarfik Sermersuuminngaanniit 2014-imi kulturikkut nittarsaassisussatut taaneqarpoq. Naja Rosing-Asvid pillugu paasisaqarnerorusukkuit  www.najarosingasvid.dk alakkaruk.

atuakkat allat atuakkiortumit

Aqipi – toornaarannguaq
Aqipi – aasivimmiittoq
Ivalo & Minik
Nipilersorta!